КЫЗЫЛ-ОКТЯБРЬ АЙЫЛДЫК КЕҢЕШИ

ТОКТОМ

Кашкар-Кыштак айылдык Кеңешинин кезектеги (жетинчи шайланган) X сессиясынын

2022-жылдын 21-январы №2

«Кашкар-Кыштак айыл өкмөтүнүн 2021-жылдын 12 айынын бюджетинин аткарылышы, 2022-жылга бюджетин, 2023-2024-жылдарга бюджеттин долбоорун жана 2022-жылдын 1-январына карата бош калган акча каражатын бекитүү жөнүндө»

Кашкар-Кыштак айылдык аймагынын 2021-жылдагы бюджетинин киреше жана чыгаша бөлүктөрүнүн 12 айга аткарылышы жана 2022-жылдын бюджетинин чыгаша жана киреше бөлүктөрү менен бекитүү жөнүндөгү маселе боюнча айыл өкмөтүнүн ФЭБнын башчысы Рахматов Рахматилла билдирүү жасап, айылдык кенештин талкуусуна коюп, бул маселе кеңири талкууланып, алар тарабынан киргизилген өзгөртүүлөрдөн кийин, Кашкар-Кыштак айылдык кеңеши

Т О К Т О М К Ы Л А Т:

1.Кашкар-Кыштак айыл өкмөтүнүн 2021-жылдагы бюджетинин кирешелери план боюнча 43 547,9 миң сом болгон болсо, өзгөртүүлөрү менен 12 айга 52 230,1 миң сомду, ал эми чыгашалар план боюнча 43 547,9 миң сом болгон болсо өзгөртүүлөрү менен 48459,8 миң сомду түзүп, бул багытта жүргүзүп жаткан иштери кээ бир кемчиликтерди эске алуу менен аткарылышы белгиленсин.

2. Кашкар-Кыштак айыл өкмөтүнүн 2021-жылдагы бюджетинин атайын каражаттары план боюнча 8915,0 миң сом болсо, өзгөртүүлөрү менен 12 айга 6814,8 миң сомду, ал эми чыгаша бөлүгү 6145,5 миң сомду түзгөндүгү белгиленсин.

3.2022-жылга Кашкар-Кыштак айыл өкмөтүнүн бюджетинин киреше бөлүгү 43119,0 миң сом, анын ичинен жергиликтүү бюджет 37406,0 миң сом, теңдөөчү грант 5713,0 миң сом, чыгашалары менен 43119,0 миң сом өлчөмүндө бекитилсин. №1 тиркемеге ылайык

4.2022-жылга Кашкар-Кыштак айыл өкмөтүнүн бюджети атайын каражаттардын кирешелери жана чыгашалары менен 8915,0 миң сом, анын ичинен ата-энелердин мүчөлүк акысы 8595,0 миң сом, имараттарды ремонттоо үчүн мүчөлүк акысы 320,0 миң сом өлчөмүндө бекитилсин. №2 тиркемеге ылайык

5.»Абад айыл» муниципалдык ишканасынын 2022-жылга бюджети 500,0 миң сом өлчөмүндө бекитилсин. №3 тиркемеге ылайык

6.2022-жылга айыл өкмөтүнүн кирешелерин түзүүчү булактары чыгашалар боюнча багыттары аныкталсын.

7.Айыл өкмөтүнүн бюджетинин чыгаша бөлүгү 2022-жылга түшкөн кирешелердин жана гранттардын чегинде, ошону менен бирге биринчи кезекте каралган статьяларга (эмгек акы, социалдык фондго чегерүү, дары-дармек, тамак-аш) ылайык каржылануусу белгиленсин:

а) Башкаруу аппаратына – 9967,1 миң сом;

б) Айылдык кеңеш - 685,7 миң сом;

в) Айыл чарба (жайыт) - 267,0 миң сом;

г) Турак жай ж-а комм.кызматтарга – 17 661,4 миң сом;

д) Маданият тармагына - 3525,3 миң сом;

е) Билим берүү тармагына - 9362,5 миң сом;

ж) Социалдык камсыздоого - 1654,0 миң сом;

з) Атайын каражаттар - 8915,0 миң сом;

 и) «Абад Айыл» муниц.ишканасына - 500,0 миң сом

Баары: 52 534,0 миң сом.

8. 2022-жылдын 1-январына карата бош калган акча каражаттары - 3770,3 миң сом жана чыгашалары менен 3770,3 миң сом өлчөмүндө бекитилсин жана №4 тиркемеге ылайык каржылануусу каралсын.

9. Айыл өкмөтүнүн атайын каражаттары 2022-жылдын 1-январына карата бош калган акча каражаттары 669,3 миң сом өлчөмүндө бекитилсин. Ал эми чыгаша жагы балдар бакчаларынын тамак-аш азыктарын алуу статьясына 669,3 миң сом акча каражаты бекитилсин. №5 тиркемеге ылайык

10. «Абад Айыл» муниципалдык ишканасынын бош калган акча каражаттары 13,0 миң сом өлчөмүндө бекитилсин. №6 тиркемеге ылайык

11.Кашкар-Кыштак айыл өкмөтүнүн аппарат кызматкерлеринин штат бирдиги - жалпы саны 39: анын ичинен айыл башчылары -7, аскердик-каттоо инспекторлору –6 айылдык кеңештин төрагасы – 1, айылдык кеңештин катчысы – 1, статист – 1 жана тейлөөдөгү кызматкерлер – 4, андан тышкары маданият кызматкерлери -23, анын ичинен тейлөөдөгү кызматкерлер – 9 бирдиктери бекитилсин.

12.Айыл өкмөтүнө чыгаша сметаларына өзгөртүүлөрдү жана толуктоолорду киргизип туруу укугу берилсин жана көрсөтүлгөн бюджеттин чыгымдарынан тышкары зарыл болгон чыгымдар кирешенин кошумча булактарынын эсебинен аткарууга уруксат берилсин.

13.Айыл өкмөтүнүн кирешелер жана чыгашалар бөлүгүнө жергиликтүү жана атайын каражаттардын долбоору:

- 2023-жылга – 53207,0 миң сом;

- 2024-жылга - 53697,0 миң сом.

14.Бул токтомдун аткарылышын көзөмөлдөө жагы айылдык Кеңештин социалдык-маданий, коммуналдык менчик, маалымдуулук, жаштардын иштери бюджет жана финансы маселелер боюнча туруктуу комиссиясына жүктөлсүн.