КАШКАР-КЫШТАК АЙЫЛДЫК КЕӉЕШИ

ТОКТОМ

Кашкар-Кыштак айылдык кеңешинин кезектеги (алтынчы шайланган) XVI- сессиясы

2019-жылдын 19-октябры № 21

Жарооз айылынын бош көчөсүнө Жороев Жалилдин ысымын ыйгаруу

Депутаттар Жарооз айылынын 2019-жылдын 9-апрелиндеги айылдын көчөлөрүнүн бирине эмгектин ардагери Жороев Жалилдин ысымын ыйгаруу жөнүндөгү элдик жыйынынын протоколун карап жана талкуулап чыгып, аталган протоколдун негизинде Кыргыз Республикасынын “Жергиликтүү өз алдынча башкаруу” жөнүндөгү мыйзамынын 31-беренесинин, 2-бөлүмүнүн 1-пунктунун, “Кыргыз Республикасында географиялык аталыштар жөнүндөгү” мыйзамынын 7-беренесинин, “Кыргыз Республикасында географиялык аталыштарды эсепке алуу жана каттоо, географиялык обьекттерди атоо, атын өзгөртүүнүн тартиби жөнүндөгү” Жобонун 6-бөлүмүнүн 4-абзацына ылайык айылдык кеңеш

Т О К Т О М  К Ы Л А Т :

1.Жарооз айылынын бош көчөлөрүнүн бирине согуштун жана эмгектин ардагери Жороев Жалилдин ысымы ыйгарылсын.

2. Жороев Жалил атындагы көчөсүнүн чекаралары – борбордук көчөнүн батыш тарабында, мектептин арт жагында жайгашкан көчөнүн түштүгүнөн, сол жактан Кенгашев Абсаламдин үйүнөн башталып, түндүгүнөн, сол жагынан Абылов Мелис жана оң жактан Орунбаев Асатилланин үйлөрүнөн аяктасын.

3. Көчөнүн башталган, аяктаган жана орто жерлерине “Жороев Жалил атындагы көчөсү” деген деген жазууну жана үйлөрдүн катар номерлерин илүү жагы айыл өкмөтүнө тапшырылсын.

4. Бул токтомдун аткарылуусун көзөмөлдөө жагы айылдык кеңештин айыл Мыйзамдуулук, укук, тартипти чыңдоо, кеңештин иштери жана депутаттык этика боюнча туруктуу комиссиясына жүктөлсүн.