КАШКАР-КЫШТАК АЙЫЛДЫК КЕӉЕШИ

ТОКТОМ

Кашкар-Кыштак айылдык кеңешинин кезектеги (алтынчы шайланган) XVI- сессиясы

2019-жылдын 19-октябры № 28

Андижан-маала айылынын бош көчөлөрүнүн бирин “Ынтымак” көчөсү деп атоо жөнүндө

Депутаттар Андижан-маала айылынын 2019-жылдын 10-сентябрындагы айылдын көчөлөрүнүн бирин “Ынтымак” деген наам ыйгаруу жөнүндөгү элдик жыйынынын протоколун карап жана талкуулап чыгып, аталган протоколдун негизинде Кыргыз Республикасынын “Жергиликтүү өз алдынча башкаруу” жөнүндөгү мыйзамынын 31-беренесинин, 2-бөлүмүнүн 1-пунктунун, “Кыргыз Республикасында географиялык аталыштар жөнүндөгү” мыйзамынын 7-беренесинин, “Кыргыз Республикасында географиялык аталыштарды эсепке алуу жана каттоо, географиялык обьекттерди атоо, атын өзгөртүүнүн тартиби жөнүндөгү” Жобонун 6-бөлүмүнүн 4-абзацына ылайык айылдык кеңеш

Т О К Т О М  К Ы Л А Т :

1.  Андижан-маала айылынын бош көчөлөрүнүн бирине “Ынтымак” деген наам ыйгарылсын.

2. “Ынтымак” көчөсүнүн чекаралары – Андижан-маала айылынын борбордук көчөсүнүн батышка карай кеткенде, чыгыштан, оң жактан Закиров Орозалинин, сол жактан Закирова Бүанипанин үйлөрүнөн башталып, Батыштан, оң жагынан Парпибаев Кабылдын жана сол жагынан Шерматов Кудайбердинин үйлөрүнөн аяктасын.

3. Көчөнүн башталган, аяктаган жана орто жерлерине “Ынтымак көчөсү” деген деген жазууну жана үйлөрдүн катар номерлерин илүү жагы айыл өкмөтүнө тапшырылсын.

4. Бул токтомдун аткарылуусун көзөмөлдөө жагы айылдык кеңештин айыл Мыйзамдуулук, укук, тартипти чыңдоо, кеңештин иштери жана депутаттык этика боюнча туруктуу комиссиясына жүктөлсүн.