КАШКАР-КЫШТАК АЙЫЛДЫК КЕӉЕШИ

ТОКТОМ

Кашкар-Кыштак айылдык кеңешинин кезектеги (алтынчы шайланган) XVI- сессиясы

2019-жылдын 19-октябры № 33

Кашкар-Кыштак айылынын көчөсүнө Исмаилов Юсупжандын ысымын ыйгаруу.

Депутаттар Кашкар-Кыштак айылынын 2019-жылдын 10-октябрындагы айылдын көчөлөрүнүн бирине эмгектин ардагери  Исмаилов Юсупжандын ысымын ыйгаруу жөнүндөгү элдик жыйынынын протоколун карап жана талкуулап чыгып, аталган протоколдун негизинде Кыргыз Республикасынын “Жергиликтүү өз алдынча башкаруу”  жөнүндөгү мыйзамынын 31-беренесинин, 2-бөлүмүнүн 1-пунктунун, “Кыргыз Республикасында географиялык аталыштар жөнүндөгү” мыйзамынын 7-беренесинин, “Кыргыз Республикасында географиялык аталыштарды эсепке алуу жана каттоо, географиялык обьекттерди атоо, атын өзгөртүүнүн тартиби жөнүндөгү” Жобонун 6-бөлүмүнүн 4-абзацына ылайык айылдык кеңеш  

ТОКТОМ  КЫЛАТ:

1. Кашкар-Кыштак айылынын бош көчөлөрүнүн бирине эмгектин ардагери Исмаилов Юсупжандын ысымы ыйгарылсын.

2. Исмаилов Юсупжан атындагы көчөсүнүн чекаралары – Раимжан Исмаилов көчөсүнүн чыгыш тарабында жайгашкан үчүнчү көчөнүн түштүк тарабынан, оң жактан Назиров Абдиваиттин, сол жактан Эсеналиев Бахордин үйлөрүнөн башталып, түндүк тарабынан, оң жактан Мухтаров Махмуддун, сол жактан Жалалдинова Раьнонун үйлөрүнөн аяктасын. 

3. Көчөнүн башталган, аяктаган жана орто жерлерине “Исмаилов Юсупжан   атындагы көчөсү” деген деген жазууну  жана үйлөрдүн катар номерлерин илүү жагы айыл өкмөтүнө тапшырылсын.

4. Бул токтомдун аткарылуусун көзөмөлдөө жагы айылдык кеңештин айыл  Мыйзамдуулук,  укук, тартипти чыңдоо, кеңештин иштери жана депутаттык этика боюнча туруктуу комиссиясына жүктөлсүн.