КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2004-жылдын 5-марты №135

Кыргыз Республикасынын Өкмөтүнө караштуу Мамлекеттик мүлктү башкаруу боюнча фонддун алдындагы "Кыял" Улуттук элдик көркөм кол өнөрчүлүк бирикмеси" мамлекеттик ишканасы жөнүндө

(КР Өкмөтүнүн 2011-жылдын 13-сентябрындагы № 550, 2012-жылдын 20-февралындагы № 134 токтомдорунун редакциясына ылайык)

Кыргыз Республикасынын Президентинин 2003-жылдын 4-сентябрындагы № 293 "Кыял" элдик көркөм кол өнөрчүлүк бирикмеси жөнүндө Указын аткаруу үчүн Кыргыз Республикасынын Өкмөтү токтом кылат:

1. Кыргыз Республикасынын Өкмөтүнө караштуу Мамлекеттик мүлктү башкаруу боюнча фонддун алдындагы "Кыял" Улуттук элдик көркөм кол өнөрчүлүк бирикмеси" мамлекеттик ишканасынын тиркелген Уставы бекитилсин.

2. Кыргыз Республикасынын Юстиция министрлиги:

- Кыргыз Республикасынын Өкмөтүнө караштуу Мамлекеттик мүлктү башкаруу боюнча фонддун алдындагы "Кыял" Улуттук элдик көркөм кол өнөрчүлүк бирикмеси" мамлекеттик ишканасын аныкталган тартипте кайра каттасын;

- Кыргыз Республикасынын Өкмөтүнүн чечимдерине ушул токтомдон келип чыгуучу тийиштүү өзгөртүүлөрдү жана толуктоолорду киргизсин.

3. Кыргыз Республикасынын Мамлекеттик мүлктү башкаруу боюнча мамлекеттик комитети Кыргыз Республикасынын Өкмөтүнө караштуу Мамлекеттик мүлктү башкаруу боюнча фонддун алдындагы "Кыял" Улуттук элдик көркөм кол өнөрчүлүк бирикмеси" мамлекеттик ишканасы ээлеп турган имаратты ага бекитип берсин.

4. Бишкек шаарынын мэриясына "Кыял" Улуттук элдик көркөм кол өнөрчүлүк бирикмесине архитектуралык-пландоо тапшырмасында көрсөтүлгөн чектердеги жер участогун мөөнөтсүз пайдаланууга берүү сунушталсын.

5. Бул токтомдун аткарылышын контролдоо Кыргыз Республикасынын Өкмөтүнүн Аппаратынын экономика жана стратегиялык өнүктүрүү бөлүмүнө жүктөлсүн.

(КР Өкмөтүнүн 2011-жылдын 13-сентябрындагы № 550 токтомунун редакциясына ылайык)