ҮЧ-ТЕРЕК АЙЫЛДЫК КЕӉЕШИ

ТОКТОМ

Кыргыз Республикасы, Жалал-Абад облусу,Токтогул району, Эл депутаттарынын Үч-Терек айылдык кеӊешинин VIII-чакырылышынын кезексиз-V сессиясы

2021-жылдын 2-августу № 13

Үч-Терек айылындагы балдар ойноочу аянтчага атайын фонддон каралган 200000(эки жүз миң )сом акча каражатынын багытын өзгөртүп берүү жөнүндө

Үч-Терек айылындагы балдар ойноочу аянтчага атайын фонд тарабынан каралган 200000(Эки жүз миң ) сом акча каражатынын багытын өзгөртүп берүү жөнүндө Үч-Терек айыл өкмөтүнүн ФЭБ башчысы К.Көкөевдин билдирүүсүн угуп жана талкуулап, Үч-Терек айылдык кеңешинин VIII-чакырылышынын кезексиз V-сессиясы

ТОКТОМ КЫЛАТ:

1. Үч-Терек айыл өкмөтүнүн ФЭБ башчысы К.Көкөевдин билдирүүсү эске алынсын.

2. Үч-Терек айылындагы балдар ойноочу аянтчага каралган 200000(эки жүз миң) сом акча каражатынын багыты өзгөртүлүп, Жетиген айылынын Ак-Жар участкасындагы Т.Молдомусаев башталгыч мектебинин экинчи кабатын бала бакча ачууга эмерек сатып алуу долбоорунун өздүк салымы үчүн бекитилип берилсин.

3. Багыты өзгөртүлгөн 200000(эки жүз миң) сом акча каражатын Үч-Терек айыл өкмөтүнүн атайын каражатынын 2222 статьясына отургузуп берүү жагы Токтогул райондук финансы бөлүмүнөн суралсын.

4. Каралган акча каражатын, Үч-Терек айыл өкмөтүнүн атайын каражатынын 2222 статьясына отургузууну камсыз кылуу жагы ФЭБ башчысы К.Көкөевге милдеттендирилсин.

6. Бул токтомдун аткарылышын көзөмөлгө алуу жагы Үч-Терек айыл өкмөтүнүн башчысы А.Байсабаевке милдеттендирилсин.

7. Бул токтом www.uch-terek.kg сайтына жарыяланган күндөн тартып мыйзамдуу күчүнө кирет.

8. Токтом мамлекеттик тилде гана кабыл алынды.