ЛЕНИН АЙЫЛДЫК КЕӉЕШИ

ТОКТОМ

Ленин айылдык Кеңешинин кезексиз III-сессиясы

2021-жылдын 9-июну № 3

Ленин айыл өкмөтүнүн жергиликтүү бюджетинин киреше жана чыгаша бөлүгүнүн 2022-жылга долбоорун бекитүү 2023-2024-жылдарга божомолу жөнүндө

Күн тартибиндеги маселе боюнча каржы-экономика бөлүмүнүн башчысы Жолдошева А. билдирүү жасады.

Ленин айыл өкмөтүнүн жергиликтүү бюджетинин киреше жана чыгаша бөлүгүнүн 2022-жылга долбоорун бекитүү 2023-2024-жылдарга божомолу жөнүндө.

Ленин айыл өкмөтүнүн 2022-жылга жергиликтүү бюджетинин долбоору жана 2023-2024-жылдарга божомолу жөнүндөгү 2021-жылдын 08-июнунда Ленин айылынын Маданият үйүндө болуп өткөн коомдук угуунун протоколунун негизинде айыл өкмөтүнүн каржы-экономика бөлүмүнүн башчысы А.Жолдошеванын билдирүүсүн угуп, талкуулап Ленин айылдык Кеңешинин кезексиз III сессиясы

ТОКТОМ КЫЛАТ:

1. Ленин айыл өкмөтүнүн жергиликтүү бюджетинин кирешелери 2022-жылга долбоору республикадан берилүүчү теңдөө гранты менен кошулуп 12743,6 миң сом, 2023-жылга божомолу 12766,1 миң сом, 2024-жылга божомолу 12823,9 миң сом өлчөмүндө жактырылсын.

2. Республикадан берилүүчү теңдөө грантынын көлөмү 2022-жылга долбоору 4755,4 миң сом, 2023-2024-жылдарга божомолу 4768,9 миң сомдон бекитилип биринчи кезекте корголгон беренелерди (эмгек акы, соц.фондго чегерүүлөр, тамак-аш, коммуналдык чыгымдар) каржылоого багытталсын.

3. Кыргыз Республикасынын “Бюджеттик Кодекси”, КР Өкмөтүнүн токтомдору менен бекитилген нормативдик актыларга жана айыл өкмөтүндө өткөрүлгөн коомдук угууларда талкууланган маселелердин негизинде айыл өкмөтүнүн бюджетинин чыгымдары 2022-жылга долбоору 14423,7 миң сом, 2023-жылга божомолу 14763,4 миң сомго, 2024-жылга божомолу 14829,1 миң сомго жактырылсын.

4. Айыл өкмөтүнүн жергиликтүү бюджетинин бекитилген 2022-жылга долбоору жана 2023-2024-жылдарга божомолун жалпы мамлекеттик бюджеттин кошундусуна кошуу үчүн Кыргыз Республикасынын Финансы Министрлигинин Сузак башкармалыгына тапшырылсын.

5. Токтомду аткаруу жагы каржы-экономика бөлүмүнө милдеттендирилсин.

6. Токтомдун ишке ашырылышын көзөмөлдөө жагы айылдык кеңештин бюджеттик комиссиясына жүктөлсүн.