КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2005-жылдын 29-июлу N 326

Кыргыз Республикасынын Президентинин милдетин аткаруучунун 2005-жылдын 3-майындагы "И.Раззаков атындагы Кыргыз мамлекеттик техникалык университетин түзүү жөнүндө" Жарлыгын ишке ашыруу тууралуу

(КР Өкмөтүнүн 2006-жылдын 31-майындагы N 390, 2007-жылдын 5-февралындагы N 35, 2007-жылдын 6-декабрындагы N 575, 2010-жылдын 15-январындагы N 14, 2010-жылдын 6-сентябрындагы N 190, 2017-жылдын 13-декабрындагы № 805 токтомдорунун редакцияларына ылайык)

Кыргыз Республикасынын Президентинин милдетин аткаруучунун 2005-жылдын 3-майындагы N 159 "И.Раззаков атындагы Кыргыз мамлекеттик техникалык университетин түзүү жөнүндө" Жарлыгын ишке ашыруу үчүн Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Билим берүү министрлиги:

- И.Раззаков атындагы Кыргыз мамлекеттик техникалык университетинин структурасын анын курамында академик Ү.Асаналиев атындагы Тоо-кен иши жана тоо-кен технологиялары институтун юридикалык жактын статусу менен университеттин башка бөлүмдөрүн караштырып аныктасын;

- И.Раззаков атындагы Кыргыз улуттук техникалык университеттин жана Кыргыз мамлекеттик тоо-кен университетинин 2005-жылдын 3-майына карата негизги фонддорун, материалдык-техникалык, транспорт каражаттарын жана каржылоо көлөмүн И.Раззаков атындагы кыргыз мамлекеттик техникалык университетинин балансына аныкталган тартипте акысыз өткөрүп берсин;

- И.Раззаков атындагы Кыргыз мамлекеттик техникалык университетинин негизги ишин И.Раззаков атындагы Кыргыз улуттук техникалык университетине жана Кыргыз мамлекеттик тоо-кен Универеитетине 2005-жылга карата башүыүүч.ү бюджеттих каражаттардын чегинде каржыласын.

(КР Өкмөтүнүн 2006-жылдын 31-майындагы N 390 токтомунун редакциясына ылайык)

2. Кыргыз Республикасынын Өкмөтүнүн 1992-жылдын 31-декабрындагы N 642 "Кыргыз Республикасынын Президентинин 1992-жылдын 4-октябрындагы "Студент жаштарды социалдык коргоо боюнча кошумча чаралар жөнүндө" Указын ишке ашыруу боюнча чаралар тууралуу" токтому менен бекитилген "Жогорку окуу жайлардын студенттери үчүн Кыргыз Республикасынын мамлекеттик стипендияларынын квоталары" деген тиркемесине төмөнкүдөй өзгөртүү киргизилсин:

- "И.Раззаков атындагы Кыргыз улуттук техникалык университети" деген сөздөр "И.Раззаков атындагы Кыргыз мамлекеттик техникалык университети" деген сөздөргө алмаштырылсын.

3. (КР Өкмөтүнүн 2007-жылдын 5-февралындагы N 35 токтомуна ылайык күчүн жоготту)

4. (КР Өкмөтүнүн 2007-жылдын 6-декабрындагы N 575 токтомуна ылайык күчүн жоготту)

5. Кыргыз Республикасынын Өкмөтүнүн 2002-жылдын 20-августундагы N 568 "Кыргыз Республикасынын Тарыхый-маданий мурас объекттерин эсепке алуу, коргоо, реставрациялоо жөнүндө жобону бекитүү тууралуу" токтому менен бекитилген Кыргыз Республикасынын Тарых жана маданият эстеликтеринин мамлекеттик тизмесине төмөнкүдөй өзгөртүү киргизилсин:

- 73-пунктундагы "И.Раззаков атындагы Кыргыз улуттук техникалык университети" деген сөздөр "И.Раззаков атындагы Кыргыз мамлекеттик техникалык университети" деген сөздөргө алмаштырылсын;

- 110-пунктундагы "тоо-кен университети" деген сөздөр "И.Раззаков атындагы Кыргыз улуттук техникалык университети" деген сөздөргө алмаштырылсын.

6. (КР Өкмөтүнүн 2017-жылдын 13-декабрындагы № 805 токтомуна ылайык күчүн жоготту)

7. Күчүн жоготту деп эсептелсин:

Кыргыз Республикасынын Өкмөтүнүн 2004-жылдын 9-декабрындагы N 904 "Кыргыз Республикасынын Президентинин 2004-жылдын 20-октябрындагы "Кыргыз мамлекеттик тоо-кен университетин түзүү жөнүндө" Жарлыгын ишке ашыруу тууралуу" токтому;

Кыргыз Республикасынын Өкмөтүнүн 2004-жылдын 18-декабрындагы N 943 "Кыргыз Республикасынын Өкмөтүнүн айрым чечимдерине өзгөртүүлөрдү киргизүү жөнүндө" токтому;

Кыргыз Республикасынын Өкмөтүнүн 2005-жылдын 11-февралындагы N 72 "И.Раззаков атындагы Кыргыз улуттук техникалык университетинин кызматкерлеринин кызматтык маяналарына үстөктөрдү белгилөө жөнүндө" токтому.

8. Бул токтомдун аткарылышын контролдоо Кыргыз Республикасынын Премьер-министринин Аппаратынын социалдык-маданий өнүктүрүү бөлүмүнө жүктөлсүн.