Бишкек шаары, Өкмөт Үйү2005-жылдын 13-августундагы № 367                 КЫРГЫЗ РЕСПУБЛИКАСЫНЫН ӨКМӨТҮНҮН ТОКТОМУ           "Ишкердикти өнүктүрүү фонду" микрокредиттик компаниясы       ачык акционердик коомун түзүү жөнүндө" Кыргыз Республикасынын          Өкмөтүнүн 2004-жылдын 13-апрелиндеги № 250 токтомуна           өзгөртүүлөрдү жана толуктоолорду киргизүү тууралуу       Ишкердик   структураларды   микрокредиттөө  жолу  менен   Кыргыз Республикасында  чакан жана орто бизнести колдоону андан ары күчөтүү, узак мөөнөттүү ипотекалык кредит берүүнү өнүктүрүү  максатында, ошон-дой эле Кыргыз Республикасында, ошондой  эле  Кыргыз  Республикасынын Өкмөтүнүн мурда  кабыл алынган чечимдерин Кыргыз Республикасынын мый-замдарына шайкеш  келтирүү үчүн  Кыргыз Республикасынын Өкмөтү токтом кылат:      1. "Ишкердикти өнүктүрүү фонду"  микрокредиттик  компаниясы ачыкакционердик коомун түзүү жөнүндө"  Кыргыз  Республикасынын  Өкмөтүнүн2004-жылдын  13-апрелиндеги  № 250 токтомуна  төмөнкүдөй  өзгөртүүлөржана толуктоолор киргизилсин:      - 3-пункт төмөнкүдөй редакцияда баяндалсын:     "3. Фондун уставдык  капиталы  Кыргыз  Республикасынын  Өкмөтүнөкараштуу Ишкердикти өнүктүрүү  боюнча мамлекеттик  комиссия тарабынанмурда берилген кредит боюнча негизги карыздын суммасын жоюунун натый-жасында келип  түшкөн 4 000 000  (төрт миллион) сом  өлчөмүндөгү акча каражаттарынын эсебинен түзүлгөнү белгиленсин.";      - 4-пункт төмөнкүдөй редакцияда баяндалсын:     "4. Кыргыз Республикасынын  Өкмөтүнө  караштуу  Ишкердикти өнүк-түрүү боюнча мамлекеттик  комиссиянын наркы уставдык капиталдан ашкан активдери жана Фонддун карыздык милдеттенмелери Фонддун кошумча капи-талына уставдык капиталынан ашыкча салым катары эсептелсин.";      - төмөнкү мазмундагы 5-пункт менен толукталсын:     "5. Кыргыз Республикасынын Финансы министрлигине караштуу Эконо-миканы өнүктүрүүнүн  мамлекеттик  фонду  Фонддун  уставдык  капиталын түзүү боюнча каражаттарды эсептен чыгаруу үчүн Кыргыз Республикасынын Өкмөтүнүн 1999-жылдын 8-сентябрындагы  № 490 токтомуна  ылайык жерги-ликтүү бюджеттерден, мамлекеттик мүлктү менчиктештирүүдөн чегерүүлөр-дүн эсебинен  республикалык  бюджеттен  мурда  Кыргыз Республикасынын Өкмөтүнө караштуу Ишкердикти өнүктүрүү  боюнча мамлекеттик комиссияга түшкөн каражаттардын суммасына 25 жыл  мөөнөткө проценсиз ссуда берүү жөнүндө Фонд менен Келишим түзсүн.";      - 5-10-пункттар тиешелүү түрдө 6-11 пункттар деп эсептелсин.      2. Бул токтомдун аткарылышын контролдоо  Кыргыз  Республикасынын Премьер-министринин  Аппаратынын  экономика, өнөр жай жана соода баш-кармалыгына жүктөлсүн.       Премьер-министр                                   К.Бакиев