КР Өкмөтүнүн 2013-жылдын 9-апрелиндеги № 183 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 23-апрели № 244

Кыргыз Республикасынын Өкмөтүнүн 2009-жылдын 13-мартындагы № 175 "Өзгөчө баалуу дарак породаларынын (жаңгак жана арча) конфискацияланган тамырларын, уюлдарын жана жыгачтарын пайдалануунун жана сатуунун тартибин бекитүү жөнүндө" токтомун колдонууну токтото туруу тууралуу

Өзгөчө баалуу дарак породаларынын конфискацияланган жыгач продукциясын иштетүүдө пикир келишпестиктерди болтурбоо жана Кыргыз Республикасынын Өкмөтүнүн 2009-жылдын 13-мартындагы № 175 токтомун Кыргыз Республикасынын андан жогорураак юридикалык күчкө ээ нормативдик укуктук актыларына ылайык келтирүү максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 2009-жылдын 13-мартындагы № 175 "Өзгөчө баалуу дарак породаларынын (жаңгак жана арча) конфискацияланган тамырларын, уюлдарын жана жыгачтарын пайдалануунун жана сатуунун тартибин бекитүү жөнүндө" токтомунун жарактуулугу 2009-жылдын 21-мартынан баштап токтотулуп турсун.

2. Конфискацияланган жаңгак уюлун жок кылуунун ылайыктуулугу жөнүндө маселени кароо боюнча тиркемеге ылайык курамда ведомстволор аралык комиссия түзүлсүн.

3. Ведомстволор аралык комиссия конфискацияланган жаңгак уюлун жок кылуунун ылайыктуулугу жөнүндө маселени кароонун жыйынтыгы боюнча 2009-жылдын 10-майына чейинки мөөнөттө Кыргыз Республикасынын Өкмөтүнүн кароосуна тийиштүү сунуштарды киргизсин.

4. Бул токтомдун аткарылышын контролдоо Кыргыз Республикасынын Өкмөтүнүн Аппаратынын агроөнөржай комплекси жана жаратылышты пайдалануу бөлүмүнө жана укуктук камсыздоо жана кадрлык кызмат бөлүмүнө тапшырылсын.

Конфискацияланган жаңгак уюлун жок кылуунун ылайыктуулугу жөнүндө маселени кароо боюнча ведомстволор аралык комиссиянын КУРАМЫ

Аалиев А.К. - Кыргыз Республикасынын Экономикалык өнүгүү жана

соода министрлигинин статс-катчысы, комиссиянын

төрагасы.

Комиссия мүчөлөрү:

Салянова А.Ж. - Кыргыз Республикасынын Юстиция министрлигинин

статс-катчысы;

Нишанов А.Т. - Кыргыз Республикасынын финансы министринин орун

басары;

Мамбеталиев М.К. - Кыргыз Республикасынын Эмгек жана социалдык

өнүктүрүү министрлигинин статс-катчысы;

Эшалиев Т.М. - Кыргыз Республикасынын транспорт жана коммуни-

кациялар министринин орун басары;

Алмаматов Т.К. - Кыргыз Республикасынын Мамлекеттик улуттук ко-

опсуздук комитетинин төрагасынын биринчи орун

басары;

Курманалиев С.У. - Кыргыз Республикасынын ички иштер министринин

биринчи орун басары;

Чынгожоев А.Т. - Кыргыз Республикасынын Өкмөтүнө караштуу Курчап

турган чөйрөнү коргоо жана токой чарбасы боюнча

мамлекеттик агенттиктин статс-катчысы;

Турдукулов Э.Т. - Кыргыз Республикасынын Улуттук илимдер академи-

ясынын Токой институтунун директору;

Жумаев И.К. - Кыргыз Республикасынын Токой продуктуларын кай-

ра иштетүү боюнча ишканалар ассоциациясынын ди-

ректору (макулдашуу боюнча);

Исмаилов И.С. - Кыргыз Республикасынын Өкмөтүнүн Аппаратынын

агроөнөр жай комплекси жана жаратылышты пайдалануу бөлүмүнүн эксперти