КР Президентинин 2012-жылдын 9-июнундагы ПЖ N 120 Жарлыгына ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2009-жылдын 18-февралы ПЖ № 115

Кыргыз Республикасынын Улуттук коопсуздук концепциясы жөнүндө

Кыргыз Республикасынын Коопсуздук кеңешинин сунуштарына ылайык, коркунучтардын алдын алуу жана жоюу, Кыргыз Республикасынын улуттук коопсуздугун камсыз кылуу, ошондой эле бул чөйрөдө эл аралык кызматташтыкты чыңдоо жана өнүктүрүү максатында

ТОКТОМ КЫЛАМ:

1. Тиркелген Кыргыз Республикасынын Улуттук коопсуздук концепциясы бекитилсин.

2. Кыргыз Республикасынын Улуттук коопсуздук концепциясынын долбоорун иштеп чыгуу боюнча комиссия Коопсуздук кеңешинин аппараты менен бирдикте бул Концепциянын негизинде Кыргыз Республикасынын Улуттук коопсуздук стратегиясын 2009-жылдын 15-майына чейин иштеп чыксын жана Кыргыз Республикасынын Президентинин бекитүүсүнө киргизсин.

3. Министрликтер, мамлекеттик комитеттер жана ведомстволор, облустук мамлекеттик администрациялар, Бишкек жана Ош шаарларынын мэриялары Улуттук коопсуздук концепциясынын жана стратегиясынын негизинде коопсуздукту камсыз кылуунун тармактык жана региондук программаларын 2009-жылдын 1-июлуна чейин иштеп чыксын.

4. Бул Жарлыктын аткарылышына контролдук кылуу милдети Кыргыз Республикасынын Коопсуздук кеңешинин аппаратына жүктөлсүн.

5. Бул Жарлык кол коюлган күндөн тартып күчүнө кирет.