КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2009-жылдын 22-октябры ПЖ № 395

З.А.Абдазов, М.Э.Ураимов жөнүндө

Кыргыз Республикасынын Конституциясынын 46-беренесинин 2-пунктунун 3-пунктчасына, 84-беренесинин 1-, 4-пункттарына, "Кыргыз Республикасынын судьяларынын статусу жөнүндө" Кыргыз Республикасынын Конституциялык мыйзамынын 26-беренесинин 2-бөлүгүнүн 8-пунктуна ылайык, Кыргыз Республикасынын Судьялар кеңешинин жана Кыргыз Республикасынын сот адилеттик иштери боюнча Улуттук кеңешинин Кыргыз Республикасынын жергиликтүү сотторунун судьяларынын кынтыксыз эмес жүрүм-туруму жөнүндө чечимдерин эске алып,

ТОКТОМ КЫЛАМ:

1. Төмөнкүлөр:

- Баткен облустук сотунун төрагасынын орун басарынын ыйгарым укуктарын ишке ашырып жаткан Абдазов Закир Аписович - Кыргыз Республикасынын жергиликтүү сотунун судьясынын кызматынан;

- Баткен облустук сотунун судьясынын ыйгарым укуктарын ишке ашырып жаткан Ураимов Маратали Эргешович - Кыргыз Республикасынын жергиликтүү сотунун судьясынын кызматынан мөөнөтүнөн мурда бошотулсун.

2. Бул Жарлык кол коюлган күндөн тартып күчүнө кирет.