КЫРГЫЗ РЕСПУБЛИКАСЫНЫН ПРЕЗИДЕНТИНИН

ЖАРЛЫГЫ

2010-жылдын 27-январы ПЖ №16

Кыргыз Республикасынын Жалал-Абад облусунун Токтогул районундагы Токтогул поселкалык кеңешинде мөөнөтүнөн мурда шайлоону дайындоо жөнүндө

"Жергиликтүү өз алдынча башкаруу жана жергиликтүү мамлекеттик администрация жөнүндө" Кыргыз Республикасынын Мыйзамынын 41-беренесинин 7-бөлүгүнө ылайык, Кыргыз Республикасынын Конституциясынын 46-беренесинин 6-пунктунун 4-пунктчасынын негизинде, ошондой эле Кыргыз Республикасындагы шайлоо жөнүндө Кыргыз Республикасынын Кодексинин80-беренесинин 1-пунктун жетекчиликке алуу менен

ТОКТОМ КЫЛАМ:

1. Кыргыз Республикасынын Жалал-Абад облусунун Токтогул районундагы Токтогул поселкалык кеңешинин депутаттарын мөөнөтүнөн мурда шайлоо 2010-жылдын 28-мартына дайындалсын.

2. Кыргыз Республикасынын Шайлоо жана референдум өткөрүү боюнча Борбордук комиссиясы шайлоону Кыргыз Республикасынын мыйзамына ылайык өткөрүүнү камсыз кылсын.

3. Кыргыз Республикасынын Өкмөтү:

- шайлоону өткөрүү үчүн зарыл финансы каражаттарын Кыргыз Республикасынын Шайлоо жана референдум өткөрүү боюнча Борбордук комиссиясынын чыгымдарынын сметасына ылайык бөлсүн;

- шайлоону даярдоо жана өткөрүү мезгилинде мыйзамдуулукту, жарандардын укуктарын жана эркиндиктерин, коомдук тартипти сактоону камсыз кылуу боюнча чараларды көрсүн.

4. Кыргыз Республикасынын Жалал-Абад облусунун Токтогул райондук мамлекеттик администрациясынын башчысы-акими шайлоо комиссиясына шайлоону даярдоодо жана өткөрүүдө уюштуруу-техникалык маселелерди чечүүгө көмөк көрсөтсүн.

5. Бул Жарлык расмий жарыяланган күндөн тартып күчүнө кирет.