КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2010-жылдын 15-марты ПЖ № 80

Кыргыз Республикасынын Ош облусунун Кара-Кулжа районундагы

Кеңеш айылдык кеңешинде шайлоону дайындоо жөнүндө

Кыргыз Республикасынын Ош облусунун Кара-Кулжа районундагы Кеңеш айылдык кеңешинин депутаттарынын ыйгарым укуктарынын мөөнөттөрүнүн бүткөндүгүнө байланыштуу, Кыргыз Республикасынын Конституциясынын 46-беренесинин 6-пунктунун 4-пунктчасына ылайык, ошондой эле Кыргыз Республикасындагы шайлоолор жөнүндө Кыргыз Республикасынын Кодексинин 80-беренесинин 1-пунктун жетекчиликке алуу менен

ТОКТОМ КЫЛАМ:

1. Кыргыз Республикасынын Ош облусунун Кара-Кулжа районундагы Кеңеш айылдык кеңешинде депутаттарды шайлоо 2010-жылдын 15-майына дайындалсын.

2. Кыргыз Республикасынын Шайлоо жана референдум өткөрүү боюнча Борбордук комиссиясы шайлоону Кыргыз Республикасынын мыйзамына ылайык өткөрүүнү камсыз кылсын.

3. Кыргыз Республикасынын Өкмөтү:

- шайлоону өткөрүү үчүн зарыл финансы каражаттарын Кыргыз Республикасынын Шайлоо жана референдум өткөрүү боюнча Борбордук комиссиясынын чыгымдар сметасына ылайык бөлсүн;

- шайлоону даярдоо жана өткөрүү мезгилинде мыйзамдуулукту, жарандардын укуктарын жана эркиндиктерин камсыз кылуу, коомдук тартипти сактоо боюнча чараларды көрсүн.

4. Кыргыз Республикасынын Ош облусунун Кара-Кулжа райондук мамлекеттик администрациясынын башчысынын - акими шайлоо комиссиясына шайлоону даярдоодо жана өткөрүүдө уюштуруу-техникалык маселелерди чечүүгө көмөк көрсөтсүн.

5. Бул Жарлык кол коюлган күндөн тартып күчүнө кирет.