КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2013-жылдын 22-февралы ПЖ № 28

Ш.Е.Атаханов жөнүндө

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 13-беренесинин 6- жана 7-бөлүктөрүнө ылайык

ТОКТОМ КЫЛАМ:

1. Кыргыз Республикасынын Премьер-министринин сунуштамасы канааттандырылсын жана Атаханов Шамиль Есенжанович башка ишке өткөндүгүнө байланыштуу Кыргыз Республикасынын ички иштер министринин кызматынан бошотулсун.

2. Кыргыз Республикасынын Премьер-министри Кыргыз Республикасынын ички иштер министринин кызмат ордуна дайындоо үчүн белгиленген тартипте талапкерди киргизсин.

3. Бул Жарлык кол коюлган учурдан тартып күчүнө кирет.

Негиз: Кыргыз Республикасынын Премьер-министринин 2013-жылдын 19-февралындагы № 12-487 сунуштамасы.