КР Президентинин

2008-жылдын 23-июнундагы ПЖ N 232 Жарлыгына ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

 2008-жылдын 18-февралы ПЖ №79

Кыргыз Республикасынын Президентинин айрым

чечимдерине өзгөртүүлөрдү киргизүү жөнүндө

Кыргыз Республикасынын Президентине караштуу Маалыматтык-коммуникациялык технологиялар боюнча кеңештин ишин оптималдаштырууну камсыз кылуу максатында

ТОКТОМ КЫЛАМ:

1. "Кыргыз Республикасынын Президентине караштуу Маалыматтык-коммуникациялык технологиялар боюнча кеңеш жөнүндө" Кыргыз Республикасынын Президентинин 2006-жылдын 1-февралындагы №38 Жарлыгына төмөнкүдөй өзгөртүүлөр киргизилсин:

- жогоруда аталган Жарлык менен бекитилген Кыргыз Республикасынын Президентине караштуу Маалыматтык-коммуникациялык технологиялар боюнча кеңештин (мындан ары - Кеңеш) курамынан А.Т.Алыбаев чыгарылсын;

- Кеңештин курамына Кыргыз Республикасынын Президентинин Администрациясынын Жетекчисинин орунбасары Бекбоев Замир Исакович Кеңештин төрагасынын биринчи орунбасары болуп киргизилсин.

2. "Кыргыз Республикасынын Президентине караштуу Маалыматтык-коммуникациялык технологиялар боюнча кеңеш жөнүндө" Кыргыз Республикасынын Президентинин Жарлыгына өзгөртүү киргизүү тууралу" Кыргыз Республикасынын Президентинин 2007-жылдын 24-декабрындагы № 562 жарлыгына төмөнкүдөй өзгөртүү киргизилсин:

- 2-пункттагы ""бир айлык мөөнөттө" деген сөздөр "үч айлык мөөнөттө" деген сөздөр менен алмаштырылсын.

3. Кыргыз Республикасынын Өкмөтү өз чечимдерин ушул Жарлыкка ылайык келтирсин.

4. Бул Жарлыктын аткарылышына контролдук кылуу милдети Кыргыз Республикасынын Президентинин Администрациясынын экономикалык жана социалдык саясат бөлүмүнө жүктөлсүн.

5. Бул Жарлык кол коюлган күндөн тартып күчүнө кирет.