КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫГЫ

2007-жылдын 13-сентябры ПЖ № 405

Республиканын токой чарбасынын кызматкерлерин

мамлекеттик сыйлыктар менен сыйлоо жөнүндө

Республиканын токой чарбасын өнүктүрүүгө кошкон салымы, көп жылдык үзүрлүү иши үчүн сыйлансын:

III даражадагы "Манас" ордени менен:

Бекбаев Жекшеналы Бекбаевич - эмгектин ардагери, Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы боюнча мамлекеттик агенттиктин директорунун коомдук башталыштагы кеңешчиси.

Республиканын токой чарбасын өнүктүрүүгө, жаратылышын коргоого кошкон салымы үчүн төмөнкүлөр сыйлансын:

"Даңк" медалы менен:

Турдумамбетов Жолдошбек - Жалалабат облусунун Токтогул токой чарбасынын директору;

"Кыргыз Республикасынын жаратылышты коргоосуна эмгек сиңирген кызматкер" деген ардактуу наам берилсин:

Бурханов Айткул Мустафаевичке - Кыргыз Республикасынын Өкмөтүнө караштуу Курчап турган чөйрөнү коргоо жана токой чарбасы боюнча мамлекеттик агенттиктин директорунун орунбасары;

Исаенко Ольга Гавриловнага - Жалалабат аймактык токойду өнүктүрүү жана аңчылык ресурстарды жөнгө салуу башкармасынын токойду өнүктүрүү бөлүмүнүн башкы адиси;

Шайылдаев Эркинбек Калиевичке - Ысыккөл облусунун Ысыккөл токой чарбасындагы Өрүктү токойчулугунун токойчусу.

Кыргыз Республикасынын Ардак грамотасы

менен сыйлансын:

Бугубаева Күлшан Султанбековна - Талас облусунун Карабуура токой чарбасындагы Шекер токойчулугунун токойчусу;

Токтоналиев Авасбек Жумабаевич - Чүй облусунун Чүй токой чарбасынын токойду кайтаруу жана коргоо инженери.