КЫРГЫЗ РЕСПУБЛИКАСЫНЫН ПРЕЗИДЕНТИНИН

ЖАРЛЫГЫ

2014-жылдын 24-октябры ПЖ № 193

Кыргыз Республикасынын Азербайжан Республикасындагы Элчилигин уюштуруу жөнүндө

Азербайжан Республикасы менен болгон макулдашууларды эске алып, ошондой эле Кыргыз Республикасынын Азербайжан Республикасы менен саясий, соода-экономикалык жана маданий-гуманитардык байланыштарын андан ары өнүктүрүүнү камсыз кылуу максатында

ТОКТОМ КЫЛАМ:

1. Баку шаарында жайгашуусу менен Кыргыз Республикасынын Азербайжан Республикасындагы Элчилиги уюштурулсун.

2. Кыргыз Республикасынын Өкмөтү:

- Кыргыз Республикасынын Азербайжан Республикасындагы Элчилигинин ишин уюштуруучулук жана финансылык жактан камсыздоонун маселелерин республикалык бюджетте каралган каражаттардын чегинде бир айдын ичинде чечсин;

- өзүнүн чечимдерин ушул Жарлыкка ылайык келтирсин.

3. Бул Жарлык расмий жарыяланган күндөн баштап күчүнө кирет.