КЫРГЫЗ РЕСПУБЛИКАСЫНЫН ПРЕЗИДЕНТИНИН

ЖАРЛЫГЫ

2014-жылдын 4-декабры № 213

Бириккен Араб Эмираттарында Кыргыз Республикасынын Элчилигин уюштуруу жөнүндө

Кыргыз Республикасынын Бириккен Араб Эмираттары менен саясий, соода-экономикалык, илимий-техникалык жана маданий байланыштарын андан ары өнүктүрүүгө көмөктөшүү максатында

ТОКТОМ КЫЛАМ:

1. Абу-Даби шаарында жайгаштыруу менен Бириккен Араб Эмираттарында Кыргыз Республикасынын Элчилиги уюштурулсун.

2. Кыргыз Республикасынын Өкмөтү:

- республикалык бюджетте каралган каражаттардын чегинде Бириккен Араб Эмираттарында Кыргыз Республикасынын Элчилигинин ишин уюштуруучулук жана финансылык жактан камсыз кылуу маселелерин бир айдын ичинде чечсин;

- өзүнүн чечимдерин ушул Жарлыкка ылайык келтирсин.

3. Бул Жарлык расмий жарыяланган күндөн тартып күчүнө кирет.