КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2004-жылдын 21-ноябры ПЖ № 391

Адабият, искусство жана архитектура жагында

Токтогул атындагы Кыргыз Республикасынын мамлекеттик

сыйлыкты ыйгаруу жөнүндө

2004-жылы адабият, искусство жана архитектура жагында Токтогул атындагы Кыргыз Республикасынын мамлекеттик сыйлыгын ыйгаруу жөнүндөгү адабият, искусство жана архитектура жагындагы Токтогул атындагы Кыргыз Республикасынын мамлекеттик сыйлыктары боюнча Комитетинин 2004-жылдын 7-октябрындагы чечимин карап көрүп,

ТОКТОМ КЫЛАМ:

1. Жогоруда аталган комитеттин 2004-жылдын 7-октябрындагы Кыргыз Республикасынын төмөнкү маданият ишмерлерине 2004-жылы адабият, искусство жана архитектура жагында Токтогул атындагы Кыргыз Республикасынын мамлекеттик сыйлыгын ыйгаруу жөнүндөгү чечими бекитилсин.

Жусупов Кеңешке - жазуучу, "Байыркынын издери" публицистикалык ой толгоолор китеби үчүн;

Нурдин Тугелов атындагы "Акмарал" мамлекеттик бий ансамблине (көркөм жетекчиси Асылбашев Мелис);

Ибраев Анарбекке - Токтогул Сатылганов атындагы Кыргыз улуттук филармониясынын солисти, концерттик-аткаруучулук программасы үчүн;

Садыкова Саламатка - Токтогул Сатылганов атындагы Кыргыз улуттук филармониясынын солисти, концерттик-аткаруучулук программасы үчүн;

2. Бул Жарлык жарыяланган күндөн баштап күчүнө кирет.