КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2016-жылдын 13-январы ПЖ № 8

А.О.Маматов, С.К.Ташбаев жана М.А.Исаев жөнүндө

Кыргыз Республикасынын айрым судьяларын жазык жоопкерчилигине тартууга Кыргыз Республикасынын Башкы прокуроруна Кыргыз Республикасынын Судьялар кеңеши макулдук бергендигине байланыштуу жана Кыргыз Республикасынын Конституциясынын 95-беренесинин 5-бөлүгүнө, "Кыргыз Республикасынын судьяларынын статусу жөнүндө" Кыргыз Республикасынын конституциялык Мыйзамынын 25-беренесинин 1, 2-бөлүктөрүнө ылайык

ТОКТОМ КЫЛАМ:

1. Төмөнкүлөр Кыргыз Республикасынын жергиликтүү сотунун судьясынын кызматынан четтетилсин:

- Ысык-Көл облусунун Ысык-Көл райондук сотунун судьясынын ыйгарым укуктарын жүргүзүп жаткан Маматов Абдыганы Омарович;

- Ош облусунун Ноокат райондук сотунун төрагасынын ыйгарым укуктарын жүргүзүп жаткан Ташбаев Сатыбалды Кочкорович;

- Нарын облусунун Жумгал райондук сотунун судьясынын ыйгарым укуктарын жүргүзүп жаткан Исаев Мирлан Асекович.

2. Бул Жарлык кол коюлган күндөн баштап күчүнө кирет.