КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2017-жылдын 16-марты ПЖ № 53

Кыргыз Республикасынын аскер сотторунун судьяларынын кызмат орундарында ыйгарым укуктарды жүргүзүүнүн токтотулушу жөнүндө

Кыргыз Республикасынын Конституциясынын 95-беренесинин 3-бөлүгүнө, аскер сотторунун судьяларынын штаттык бирдиктерин Кыргыз Республикасынын тиешелүү жергиликтүү сотторуна өткөрүп берүүнү караган 2016-жылдын 23-декабрындагы № 216 "Кыргыз Республикасынын судьяларынын статусу жөнүндө" Кыргыз Республикасынын конституциялык Мыйзамына өзгөртүү киргизүү тууралуу" Кыргыз Республикасынын конституциялык Мыйзамына жана 2016-жылдын 23-декабрындагы № 217 "Кыргыз Республикасынын айрым мыйзам актыларына өзгөртүүлөрдү киргизүү жөнүндө" Кыргыз Республикасынын Мыйзамына ылайык, ошондой эле Кыргыз Республикасынын Судьялар кеңешинин сунушу боюнча

ТОКТОМ КЫЛАМ:

1. Жергиликтүү соттордун төмөнкү судьялары үчүн аскер сотторунун судьяларынын ыйгарым укуктарын жүргүзүү 2017-жылдын 1-мартынан баштап токтотулсун:

Кыргыз Республикасынын Аскер сотунун судьялары:

- Джунусов Эркин Маткаримович;

- Сулайманов Жолдошбек Атакеевич;

Бишкек гарнизонунун Аскер сотунун судьялары:

- Карабеков Алмаз Маматбекович;

- Тентимишов Марлэн Бактыгулович;

Ош гарнизонунун Аскер сотунун судьялары:

- Кабылбеков Таалайбек Мейманжанович;

- Суеркулов Эрлан Оморалиевич.

2. Бул Жарлык кол коюлган күндөн баштап күчүнө кирет.