КР Өкмөтүнүн 2017-жылдын 17-январындагы № 33 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 11-февралы №102

Кыргыз Республикасынын "Жылдын мыкты экспортеру" улуттук конкурсу жөнүндө

Өлкөнүн экономикалык өсүшүн камсыздоо, экспорттук потенциалды жогорулатуу жана кедейлик деңгээлин азайтуу, өнөр жайлык, туристтик жана агрардык комплекстерди өнүктүрүү, ата мекендик атаандаштыкка жөндөмдүү, экспортко багытталган өндүрүштү өнүктүрүүгө түрткү берүү максатында Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын "Жылдын мыкты экспортеру" улуттук конкурсу (мындан ары - Конкурс) жарыялансын.

2. Кыргыз Республикасынын "Жылдын мыкты экспортеру" улуттук конкурсу жөнүндө тиркелген Жобо бекитилсин.

3. Ушул токтомго тиркемеге ылайык курамда Конкурс өткөрүү боюнча уюштуруу комитети жана жюри түзүлсүн.

4. Кыргыз Республикасынын Экономикалык өнүгүү жана соода министрлиги кызыкдар болгон мамлекеттик органдар жана уюмдар менен бирдикте Конкурсту уюштурууну, өткөрүүнү каржылоо жана эл аралык, донор жана демөөрчү уюмдардын тартылган каражаттарынын эсебинен Конкурстун номинанттарын сыйлоо маселелерин иштеп чыксын.

5. Уюштуруу комитети зарыл учурда мамлекеттик органдардын тиешелүү адистерин жана көз карандысыз эксперттерди белгиленген тартипте ишке тарта ала тургандыгы белгиленсин.

6. Бул токтом жалпыга маалымдоо каражаттарына жарыялансын.

Кыргыз Республикасынын "Жылдын мыкты экспортеру" улуттук конкурсун өткөрүү боюнча уюштуруу комитетинин жана жюринин КУРАМЫ

Муканбетов С.Т.(*)                              - Кыргыз Республикасынын экономикалык өнүгүү жана соода министринин орун басары, уюштуруу комитетинин жана жюринин төрагасы;

Беков Т.Н.(*)                                         - Кыргыз Республикасында агробизнестин атаандаштыкка жөндөмдүү борборунун директору, жюринин төрагасынын орун   басары (макулдашуу боюнча);

Түмөнбаев Б.А.                                   - Кыргыз Республикасында агробизнестин атаандаштыкка жөндөмдүү борборунун Рынокторду өнүктүрүү кызматынын директору, уюштуруу комитетинин төрагасынын орун басары (макулдашуу боюнча);

Киселева Р.Х.                                      - Кыргыз Республикасынын Экономикалык өнүгүү жана соода министрлигинин тышкы соода саясаты бөлүмүнүн башчысы, уюштуруу комитетинин жооптуу катчысы.

Уюштуруу комитетинин жана жюринин мүчөлөрү:

Рахманова А.Р.(*)                              - Кыргыз Республикасынын Экономикалык өнүгүү жана соода министрлигинин соода саясаты башкармалыгынын начальниги;

Айманбаева Ш.К.                               - Кыргыз Республикасынын Соода-өнөр жай палатасынын кеңешинин мүчөсү (макулдашуу боюнча);

Алимбаева Г.Ю.                                 - "Кыргызэкспоцентр" жоопкерчилиги чектелген коомунун директорунун орун басары (макулдашуу боюнча);

Исенкулова Э.К.                                 - Кыргыз Республикасынын Улуттук статистика комитетинин тышкы экономикалык иштер статистикасы бөлүмүнүн башчысынын орун басары (макулдашуу боюнча);

Айтмурзаева Д.Т.                                - Кыргыз Республикасынын Улуттук стандарттар жана метрология институтунун сапат менеджментин өнүктүрүү бөлүмүнүн начальниги (макулдашуу боюнча);

Карымшакова Г.Б.                               - Кыргыз Республикасынын Өкмөтүнө караштуу Туризм боюнча мамлекеттик агенттиктин калк үчүн окутуучу программаларды жана мейманкана-туризм чөйрөсүндө сапат, кызмат көрсөтүү стандарттарын иштеп чыгуу бөлүмүнүн начальниги;

Ишимов У.К.                                         - Кыргыз Республикасынын Мамлекеттик бажы комитетинин бажы төлөмдөрү башкармалыгынын төлөмдөрдү эсепке алуу бөлүмүнүн башкы инспектору;

Новицкий Н.И.                                     - Кыргыз Республикасынын Өнөр жай, энергетика жана отун ресурстары министрлигинин өнөржай жана отун ресурстары башкармалыгынын начальнигинин орун басары;

Ажибаев М.Р.                                       - Кыргыз Республикасынын Салыктар жана жыйымдар боюнча мамлекеттик комитетинин салыктык башкаруу башкармалыгынын жергиликтүү жана салыктык төлөмдөрдү контролдоо бөлүмүнүн начальниги;

Түнгатаров У.О.(*)                                - Кыргыз Республикасынын Айыл, суу чарба жана кайра иштетүү өнөр жай министрлигинин айыл чарба продукцияларын кайра иштетүү саясатын жана маркетингин өнүктүрүү башкармалыгынын начальнигинин милдетин аткаруучу;

Мерканова А.Б.                                    - Кыргыз Республикасынын Финансы министрлигинин финансылык-экономикалык талдоо жана болжолдоо башкармалыгынын финансылык-экономикалык болжолдоо бөлүмүнүн жетектөөчү адиси;

Понамарев С.В.(*)                               - Кыргыз Республикасынын Рыноктор, соода ишканалары жана кызмат көрсөтүү чөйрөлөрү ассоциациясынын аткаруучу директору (макулдашуу боюнча);

Үмөталиев Э.С.                                   - "Кыргыз концепт" жоопкерчилиги чектелген коомунун президенти (макулдашуу боюнча);

Салой-Ахунов Е.Е.(*)                           - "Мадина и Ко" жоопкерчилиги чектелген коомунун башкы директору, "Кыргызстандын ишкерлер союзунун" башкарма мүчөсү (макулдашуу боюнча);

Алимжанова Д.И.                               - Кыргыз Республикасынын жашылча-жемиш ишканалары ассоциациясынын президенти (макулдашуу боюнча);

Кыдыралиев У.К.(*)                            - "Кыргызстандын директорлор гильдиясы" коомдук бирикмесинин аткаруучу директору (макулдашуу боюнча).

Эскертүү:(*) - Конкурстун жюри мүчөлөрү.