КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2010-жылдын 29-декабры № 87-V

Кыргыз Республикасынын Өкмөт үйүнүн имаратында жана Кыргыз Республикасынын Жогорку Кеңешинин администрациялык имаратында болгон негизги каражаттарды, товардык-материалдык баалуулуктарды жана башка мүлктү өткөрүп берүү жөнүндө

Кыргыз Республикасынын Президенти жана Жогорку Кеңеш - Кыргыз Республикасынын парламенти Кыргыз Республикасынын Өкмөт үйүндө жайгаштырылгандыгына байланыштуу Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Өкмөтү төмөнкүлөрдү белгиленген тартипте өткөрүп берүүнү камсыз кылсын:

негизги каражаттарды - Бишкек шаары, Чүй проспекти, 205 дарегинде жайгашкан Кыргыз Республикасынын Өкмөтүнүн имаратын Кыргыз Республикасынын Президентинин Аппаратынын балансынан Кыргыз Республикасынын Жогорку Кеңешинин Иш башкармалыгынын балансына;

негизги каражаттарды - Бишкек шаары, Абдумомунов көчөсү, 207 дареги боюнча жайгашкан Кыргыз Республикасынын Жогорку Кеңешинин администрациялык имаратын Кыргыз Республикасынын Жогорку Кеңешинин Иш башкармалыгынын балансынан Кыргыз Республикасынын Президентинин Аппаратынын балансына;

Кыргыз Республикасынын Өкмөт үйүнүн имаратында болгон товардык-материалдык баалуулуктарды жана башка мүлктү Кыргыз Республикасынын Президентинин Иш башкармалыгынын балансынан Кыргыз Республикасынын Жогорку Кеңешинин Иш башкармалыгынын балансына;

Кыргыз Республикасынын Жогорку Кеңешинин администрациялык имаратында болгон товардык-материалдык баалуулуктарды жана башка мүлктү Кыргыз Республикасынын Жогорку Кеңешинин Иш башкармалыгынын балансынан Кыргыз Республикасынын Президентинин Иш башкармалыгынын балансына.

2. Ушул токтом расмий жарыяланган күндөн тартып күчүнө кирет.