КР Жогорку Кеңешинин 2015-жылдын 27-майындагы № 5134-V токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2011-жылдын 14-апрели № 295-V

1994-жылдын үлгүсүндөгү Кыргыз Республикасынын жаранынын паспортунун колдонуу мөөнөтүн узартуу жөнүндө

Кыргыз Республикасынын жарандарынын укуктары менен эркиндиктерин коргоонун кызыкчылыктарын камсыз кылуу максатында жана ID паспортторунун кемчиликтерин жана Кыргыз Республикасынын жаранынын негизги документинин институттук жана укуктук негизин өзгөртүү боюнча реформаларды жүргүзүүнүн зарылдыгын эске алып, Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Өкмөтү 1994-жылдын үлгүсүндөгү Кыргыз Республикасынын жаранынын паспортунун колдонуу мөөнөтүн Кыргыз Республикасынын жаранынын паспортунун жаңы үлгүсү бекитилгенге чейин узартып, мында Кыргыз Республикасынын жаранынын паспортунун жаңы үлгүсү бекитилгенге чейин бузулгандарды (химиялык, механикалык жана башка бузуулар) албаганда колдонуу мөөнөтү өтүп кеткен 1994-жылдын үлгүсүндөгү Кыргыз Республикасынын жаранынын паспортунун мөөнөтү узартылууга тийиш экендигин эске алсын.

2. Кыргыз Республикасынын 65 жаш курагынан улгайган жарандарынын паспортторунун колдонуу мөөнөтү чектелбөөгө тийиш экендиги белгиленсин.

3. 1994-жылдын үлгүсүндөгү Кыргыз Республикасынын жаранынын паспортунун колдонуу мөөнөтүн узартуу берилген арызга ылайык жарандын каалоосу боюнча ыйгарым укуктуу органдар тарабынан акысыз жүзөгө ашырылат.

4. Кыргыз Республикасынын Өкмөтүнө караштуу Мамлекеттик каттоо кызматы 1994-жылдын үлгүсүндөгү паспортту колдонуу мөөнөтүн узартууну өтүнгөн жарандарга зарыл шарттарды түзсүн жана аларды натыйжалуу тейлөөнү уюштурсун.

5. Кыргыз Республикасынын Тышкы иштер министрлиги 1994-жылдын үлгүсүндөгү Кыргыз Республикасынын жаранынын паспортунун колдонуу мөөнөтү Кыргыз Республикасынын жаранынын паспортунун жаңы үлгүсү бекитилгенге чейин узартылгандыгы жөнүндө Көз карандысыз Мамлекеттердин Шериктештигине катышкан мамлекеттердин тышкы иштер министрликтерине маалымдасын.

6. Ушул токтом жалпыга маалымдоо каражаттарында жарыялансын.

7. Ушул токтомдун аткарылышын контролдоо Эл аралык иштер жана парламенттер аралык кызматташуу боюнча Кыргыз Республикасынын Жогорку Кеңешинин комитетине (А.Б.Баатырбеков) жүктөлсүн.