КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2011-жылдын 27-майы № 522-V

Саясий ишмерлердин - Кыргыз Республикасын негиздөөчүлөрүнүн үй-бүлөлөрүн материалдык колдоо жөнүндө

Кыргыз мамлекеттүүлүгүнүн телчигишинин жана өнүгүшүнүн башатында А.Сыдыков, А.Орозбеков, Б.Исакеев, Ж.Абдрахманов, И.Айдарбеков, И.Раззаков сыяктуу саясий жана мамлекеттик ишмерлер турган. Алардын талыкпас саясий-коомдук ишинин, активдүү жарандык позициясынын жана жоопкерчилигинин, тажрыйбасынын жана билиминин аркасында бүгүн кыргыз мамлекети дүйнө коомчулугунун толук укуктуу мүчөсү болуп саналат.

Кыргызстандын көрсөтүлгөн мамлекеттик ишмерлеринин сиңирген эмгектерине таазим кылып, алардын балдарынын оор материалдык абалын жана курагынын улгайгандыгын эске алып, Кыргыз Республикасынын Жогорку Кеңеши

ТОКТОМ КЫЛАТ:

1. Жогоруда көрсөтүлгөн мамлекеттик ишмерлердин балдарына материалдык жардам түрүндө Кыргыз Республикасынын Жогорку Кеңешинин Төрагасынын фондунан 300 миң сом өлчөмүндөгү акча каражаттар бөлүнүп берилсин (тизме тиркелет).

2. Кыргыз Республикасынын Жогорку Кеңешинин Иш башкармалыгы ушул токтомдун 1-пунктунда көрсөтүлгөн суммадан тизмеге ылайык ар бирине 50 миң сомдон бөлүп берсин жана аларды даректелгендерге жеткирүүнү уюштурсун.

3. Ушул токтомдун аткарылышын контролдоо Кыргыз Республикасынын Жогорку Кеңешинин Иш башкаруучусуна жүктөлсүн.

Материалдык жардам алууга саясый ишмерлердин - Кыргыз Республикасын негиздөөчүлөрүнүн балдарынын тизмеси