КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2011-жылдын 20-октябры № 1211-V

Кыргыз Республикасынын Өкмөтүнө тапшырма жөнүндө

Ош областындагы Кара-Суу районунун Кашкар-Кыштак айылдык округунун Чыйырчык жайытын Алай районунун Гүлчө айылдык округуна кайтарып берүү жөнүндө Ош областындагы Алай районунун мамлекеттик администрациясынын башчысынын - акиминин милдетин аткаруучу А.Женалиевдин кайрылуусун карап чыгып жана талкуулап, Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Өкмөтүнө төмөнкүлөр тапшырылсын:

- Чыйырчык жайытын Ош областындагы Алай районунун Гүлчө айылдык округуна кайтарып берүү жөнүндө маселени иликтесин жана Кыргыз Республикасынын мыйзамдарына ылайык чечсин;

- натыйжалар жөнүндө Кыргыз Республикасынын Жогорку Кеңешине 2011-жылдын 1-ноябрына карата маалымдасын.

2. Ушул токтомдун аткарылышын контролдоо Конституциялык мыйзамдар, мамлекеттик түзүлүш, мыйзамдуулук жана жергиликтүү өз алдынча башкаруу боюнча Кыргыз Республикасынын Жогорку Кеңешинин комитетине (Г.А.Скрипкина) жана Жер-агрардык маселелер, суу ресурстары, экология жана региондук өнүгүү боюнча Кыргыз Республикасынын Жогорку Кеңешинин комитетине (Э.А.Сакебаев) жүктөлсүн.