КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2011-жылдын 20-октябры № 1212-V

2012-жылды Үй-бүлө, тынчтык жана ынтымак жылы деп жарыялоо жөнүндө

Үй-бүлө коомдун негизи болуп саналып, анын аркасында мамлекет чыңдалат жана өнүгөт, элдин жыргалчылыгы жогорулайт. Үй-бүлө коомдун негизги институту катары адамдык баалуулуктардын, маданияттын жана муундардын тарыхый өтмөлүүлүгүнүн сактоочусу, туруктуулуктун жана өнүгүүнүн фактору болуп келген жана болуп кала берет.

Үй-бүлө жана нике институтун чыңдоо максатында, үй-бүлөнүн мамлекеттин жана коомдун өнүгүшүндөгү маанилүү ролун эске алып, Кыргыз Республикасынын Жогорку Кеңеши

ТОКТОМ КЫЛАТ:

1. 2012-жыл Кыргыз Республикасында Үй-бүлө, тынчтык жана ынтымак жылы деп жарыялансын.

2. Кыргыз Республикасынын Өкмөтү:

- ушул токтом күчүнө кирген учурдан тартып эки айлык мөөнөттө анын төрагасын дайындоо менен Кыргыз Республикасында Үй-бүлө, тынчтык жана ынтымак жылын өткөрүү боюнча уюштуруу комитетин түзсүн жана бекитсин;

- Кыргыз Республикасында Үй-бүлө, тынчтык жана ынтымак жылын өткөрүү боюнча уюштуруу комитети тарабынан иштелип чыккан негизги иш-чаралардын планын каржылоонун көлөмүн жана булактарын көрсөтүү менен бекитсин.

3. Ушул токтом расмий жарыяланган күндөн тартып күчүнө кирет.