КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2012-жылдын 6-апрели № 1799-V

"Бишкек шаарында 2011-жылдын 13-сентябрында кол коюлган Кыргыз Республикасы менен Сауд Өнүктүрүү Фондунун ортосундагы Кредиттик макулдашууну (Бишкек-Торугарт автожолун реабилитациялоо боюнча долбоор) ратификациялоо жөнүндө" Кыргыз Республикасынын Мыйзамын кабыл алуу тууралуу

Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Өкмөтү тарабынан демилге көтөрүлгөн (2011-жылдын 29-ноябрындагы № 739 токтому) "Бишкек шаарында 2011-жылдын 13-сентябрында кол коюлган Кыргыз Республикасы менен Сауд Өнүктүрүү Фондунун ортосундагы Кредиттик макулдашууну (Бишкек-Торугарт автожолун реабилитациялоо боюнча долбоор) ратификациялоо жөнүндө" Кыргыз Республикасынын Мыйзамы кабыл алынсын.

2. Кыргыз Республикасынын Өкмөтү:

эл аралык донорлордун каражаттарына ишке ашырылып жаткан долбоорлорго катышуу үчүн Кыргыз Республикасынын ишке чегилүүчүлөрүнө, эл аралык ишканалар менен биргелешкен ишке чегилүүчүлөргө шарттарды түзсүн;

эл аралык долбоорлорду ишке ашырууда тендерге катышканда алар эл аралык ишке чегилүүчүлөр менен бирдей баа алып калган учурларда Кыргыз Республикасынын ишке чегилүүчүлөрүнө, эл аралык ишканалар менен биргелешкен ишке чегилүүчүлөргө артыкчылык берсин;

ушул токтомдун аткарылышы боюнча маалыматты Кыргыз Республикасынын Жогорку Кеңешине бир айлык мөөнөттө берсин.