КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2012-жылдын 17-майы № 1899-V

"Чогуу алганда Бишкек шаарындагы Бөкөнбаев жана Лев Толстой көчөлөрүн реконструкциялоо долбоорун ишке ашыруу боюнча Кыргыз Республикасынын Өкмөтү менен Кытай Эл Республикасынын Өкмөтүнүн ортосундагы макулдашууну түзүүчү Кытай Эл Республикасынын Өкмөтүнүн катына Кыргыз Республикасынын Өкмөтүнүн 2011-жылдын 13-июлундагы жооп катын ратификациялоо жөнүндө" Кыргыз Республикасынын Мыйзамын кабыл алуу тууралуу

Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Өкмөтү тарабынан демилге көтөрүлгөн (2012-жылдын 13-мартындагы № 170 токтом) "Чогуу алганда Бишкек шаарындагы Бөкөнбаев жана Лев Толстой көчөлөрүн реконструкциялоо долбоорун ишке ашыруу боюнча Кыргыз Республикасынын Өкмөтү менен Кытай Эл Республикасынын Өкмөтүнүн ортосундагы макулдашууну түзүүчү Кытай Эл Республикасынын Өкмөтүнүн катына Кыргыз Республикасынын Өкмөтүнүн 2011-жылдын 13-июлундагы жооп катын ратификациялоо жөнүндө" Кыргыз Республикасынын Мыйзамы кабыл алынсын.

2. Бишкек шаарынын мэриясы:

- бул долбоорду ишке ашырууда Кыргыз Республикасынын ишканаларынын жана жарандарынын ишке чегилүүчү жумуштарга мүмкүн болушунча көп катышуусун камсыз кылсын;

- курулуш иштеринин сапатына тиешелүү контролду камсыз кылсын;

- долбоорду ишке ашырууда иштеген техниканы жана жабдууларды курулуш иштери аяктагандан кийин Бишкек шаарынын мэриясынын балансына бекитип берүү жөнүндө маселени иштеп чыксын;

- Кыргыз Республикасынын Жогорку Кенешинин тиешелүү тармактык комитетинин өкүлүн долбоорду ишке ашыруунун айкын маселелери алдын ала айтыла турган контракт түзүү боюнча сүйлөшүүлөргө кошсун.