КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2012-жылдын 8-февралы № 1591-V

Казакстандан радиоактивдүү көмүр ташып келүүнүн жана аны Кыргыз Республикасынын ишканалары менен социалдык мекемелерине бөлүштүрүп берүүнүн фактыларын иликтөө боюнча убактылуу депутаттык комиссия түзүү жөнүндө

Кыргыз Республикасынын Жогорку Кеңеши

ТОКТОМ КЫЛАТ:

1. Казакстандан радиоактивдүү көмүр ташып келүүнүн жана аны Кыргыз Республикасынын ишканалары менен социалдык мекемелерине бөлүштүрүп берүүнүн фактыларын иликтөө боюнча убактылуу депутаттык комиссия (мындан ары - Комиссия) Кыргыз Республикасынын Жогорку Кеңешинин төмөнкү депутаттарынын курамында түзүлсүн:

С.Н.Жапаров

Н.Т.Тюлеев - "Ата-Журт" депутаттык фракциясынан;

К.К.Иманалиев

К.А.Талиева - "Ар-Намыс" депутаттык фракциясынан;

Ж.Р.Сапарбаев

Р.Төлөгөнов - "Ата Мекен" депутаттык фракциясынан;

М.Э.Сабиров

Т.У.Шайназаров - "Республика" депутаттык фракциясынан;

И.Ю.Карамушкина

Д.Ө.Тербишалиев - КСДП депутаттык фракциясынан.

2. Кыргыз Республикасынын бардык укук коргоо органдары, тиешелүү министрликтери Комиссиянын ишине көмөк көрсөтсүн.

3. Комиссия жүргүзүлгөн иштин натыйжалары жөнүндө Кыргыз Республикасынын Жогорку Кеңешине эки жумалык мөөнөттө маалымдасын.