КР Жогорку Кеңешинин 2014-жылдын 3-апрелиндеги № 3935-V токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2013-жылдын 28-февралы №2832-V

2012-жылдын 5-сентябрындагы №2266-V "Кыргыз Республикасынын Өкмөтүнүн курамы жөнүндө" Кыргыз Республикасынын Жогорку Кеңешинин токтомуна толуктоо жана өзгөртүүлөр киргизүү тууралуу

Кыргыз Республикасынын Конституциясынын 87-беренесинин 5-бөлүгүн, "Кыргыз Республикасынын Жогорку Кеңешинин Регламенти жөнүндө" Кыргыз Республикасынын Мыйзамынын 123-беренесинин 6-бөлүгүн, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 3-беренесинин 3-бөлүгүн жетекчиликке алып, Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Премьер-министри Ж.Ж.Сатыбалдиев тарабынан сунуш кылынган төмөнкүлөрдүн талапкерликтери жактырылсын:

Шамил Есенжанович Атахановдун - Кыргыз Республикасынын вице-премьер-министринин кызматына;

Абдулда Шергазиевич Суранчиевдин - Кыргыз Республикасынын ички иштер министринин кызматына;

Алисбек Төлбашиевич Алымкуловдун - Кыргыз Республикасынын эмгек, миграция жана жаштар министринин кызматына.

2. 2012-жылдын 5-сентябрындагы №2266-V "Кыргыз Республикасынын Өкмөтүнүн курамы жөнүндө" Кыргыз Республикасынын Жогорку Кеңешинин токтомуна төмөнкү толуктоо жана өзгөртүүлөр киргизилсин:

1-пунктта:

- төмөнкү мазмундагы төртүнчү абзац менен толукталсын:

"Шамил Есенжанович Атахановдун - Кыргыз Республикасынын вице-премьер-министринин кызматына;";

- сегизинчи абзацтагы "Зарылбек Кылычбекович Рысалиевдин" деген сөздөр "Абдулда Шергазиевич Суранчиевдин" деген сөздөр менен алмаштырылсын;

- жыйырманчы абзацтагы "жаштар, эмгек жана иш менен камсыз кылуу" деген сөздөр "эмгек, миграция жана жаштар" деген сөздөр менен алмаштырылсын.

3. Ушул токтом кабыл алынган күндөн тартып күчүнө кирет.