КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2013 жылдын 24 октябры № 3523-V

1916-жылдагы кайгылуу окуялардын 100 жылдыгы жөнүндө

2016-жылы 1916-жылдагы кайгылуу окуяларга 100 жыл боло тургандыгына байланыштуу жана аны ар тараптуу изилдөө, ошол окуяларда курман болгондордун элесине түбөлүккө таазим кылуу боюнча улуттук парзды аткаруу, диний ырым-жырымдарды сактоо менен курман болгондордун сөөгүн жерге кайра жашыруу, тарыхый мемориалды орнотуу максатында

Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Өкмөтү 1916-жылдагы кайгылуу окуялардын 100 жылдыгын өткөрүү боюнча уюштуруу комитетин түзсүн жана иш-чаралардын планын кабыл алсын.

2. Ушул токтом жалпыга маалымдоо каражаттарында жарыялансын.

3. Токтомдун аткарылышын контролдоо Кыргыз Республикасынын Жогорку Кеңешинин Билим берүү, илим, маданият жана спорт боюнча комитетине (К.Осмоналиев) жүктөлсүн.