КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2008-жылдын 18-январы № 75-IV

Кыргыз Республикасынын Жогорку Кеңешинде

Мыйзам долбоорлорун адистештирилген

экспертизаларынын айрым түрлөрүн өткөрүү

боюнча стандарттарды бекитүү жөнүндө

"Кыргыз Республикасынын укуктук ченемдик актылары жөнүндө" Кыргыз Республикасынын Мыйзамына жана Кыргыз Республикасынын Жогорку Кеңешинин Регламентине ылайык мыйзам долбоорлорунун сапатын бир түрдүү экспертизалардан өткөрүү жолу менен жогорулатуу максатында Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Жогорку Кеңешинде Мыйзам долбоорлорун адистештирилген экспертизаларынын айрым түрлөрүнөн өткөрүү боюнча стандарттар (мындан ары - Стандарттар) бекитилсин (тиркелет).

2. Стандарттар 2008-жылдын 1-мартынан тартып күчүнө кирет.

3. Мыйзам чыгаруу демилгесинин субъекттери мыйзам долбоорлорун Кыргыз Республикасынын Жогорку Кеңешине жиберүүдө Стандарттардын талаптарын так аткарсын.

4. Кыргыз Республикасынын Жогорку Кеңешинин Төрагасынын орун басары Ч.Т.Баекова Кыргыз Республикасынын Жогорку Кеңешинин Аппаратынын кызматкерлерин Стандарттарга окутуп-үйрөтүүнүн атайын программасын иштеп чыгуу жана ишке ашыруу үчүн мүмкүнчүлүк издеп тапсын.

5. Ушул токтомдун аткарылышын контролдоо Кыргыз Республикасынын Жогорку Кеңешинин Төрагасына жүктөлсүн.