КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2008-жылдын 11-апрели № 320-IV

Бишкек шаарында 1992-жылдын 9-октябрында кол коюлган жана

Кыргыз Республикасынын Жогорку Кеңешинин 1994-жылдын

12-январындагы № 1404-ХП токтому менен ратификацияланган

Менчик мамилелеринин укуктарын өз ара таануу жана жөнгө

салуу жөнүндө макулдашууну аткарбоонун себептерин иликтөө

үчүн убактылуу депутаттык комиссия түзүү жөнүндө

Кыргыз Республикасынын Жогорку Кеңеши

ТОКТОМ КЫЛАТ:

1. Бишкек шаарында 1992-жылдын 9-октябрында кол коюлган жана Кыргыз Республикасынын Жогорку Кеңешинин 1994-жылдын 12-январыңдагы № 1404-ХII токтому менен ратификацияланган Менчик мамилелеринин укуктарын өз ара таануу жана жөнгө салуу жөнүндө макулдашууну аткарбоонун себептерин иликтөө үчүн убактылуу депутаттык комиссия Кыргыз Республикасынын Жогорку Кеңешинин төмөнкү депутаттарынын курамында түзүлсүн:

"Ак жол" элдик партиясынын депутаттык фракциясынан:

Б.Т.Абдырасаков;

А.А.Кенжебаева;

И.В.Летова;

Кыргызстан социал-демократиялык партиясынын депутаттык фракциясынан:

Д.А.Ниязалиева;

Шабатоев Р.А.;

Кыргызстан коммунисттеринин партиясынын депутаттык фракциясынан:

Н.И.Байло;

И.А.Масалиев.

2. Кыргыз Республикасынын Жогорку Кеңешинин депутаты Н.И.Байло убактылуу депутаттык комиссиянын төрагасы болуп шайлансын.

3. Убактылуу депутаттык комиссия 2008-жылдын 1-июнуна чейин маселени иликтөөнүн натыйжалары жөнүндө Кыргыз Республикасынын Жогорку Кеңешине маалымдасын жана алар боюнча өз сунуштарын киргизсин.

4. Ушул токтом жалпыга маалымдоо каражаттарында жарыялансын.