КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2008-жылдын 19-декабры № 838-IV

А.Орозбековдун туулган күнүнүн 120 жылдыгына

арналган иш-чаралар жөнүндө

Кыргыз мамлекеттүүлүгүнүн түзүлүшүнүн башатында турган, 1927-1937-жылдарда Кыргыз АССРинин БАКынын Төрагасы жана иш жүзүндө биринчи мамлекет башчысы болгон чыгаан мамлекеттик жана коомдук ишмер Абдыкадыр Орозбековдун сиңирген эмгегин эске алып, ошондой эле 2009-жылда белгилене турган анын туулган күнүнүн 120 жылдыгына байланыштуу Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Өкмөтүнө төмөнкүлөр тапшырылсын:

- А.Орозбековдун туулган күнүнүн 120 жылдыгына арналган иш-чараларды өткөрүү боюнча уюштуруу комитетин түзүү;

- иш-чараларды республикалык бюджеттин каражаттарынын эсебинен каржылоону кароо.

2. Ушул токтомдун аткарылышын контролдоо Кыргыз Республикасынын Жогорку Кеңешинин Төрагасына жүктөлсүн.

3. Ушул токтом жалпыга маалымдоо каражаттарында жарыялансын.