КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2008-жылдын 6-ноябры № 734-IV

Н.И.Исановдун туулган күнүнүн 70 жылдыгына

арналган иш-чаралар жөнүндө

Көрүнүктүү мамлекеттик ишмер, эгемендүү Кыргызстандын туңгуч Премьер-министри Насирдин Исанович Исановдун өлкөнүн социалдык-экономикалык өнүгүүсүнө сиңирген эмгегин эске алуу менен, ошондой эле 2013-жылы белгиленүүчү туулган күнүнүн 70 жылдыгына байланыштуу Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Өкмөтү:

- 2009-жылдын 1-сентябрына чейин көрүнүктүү мамлекеттик ишмер Н.И.Исановдун туулган күнүнүн 70 жылдыгын өткөрүүнүн иш-чараларынын планын иштеп чыксын жана өткөрүү күнүн белгилесин;

- иш-чараларды каржылоо республикалык бюджеттин каражаттарынын эсебинен жүзөгө ашырылсын.

2. Ушул токтомдун аткарылышын контролдоо Кыргыз Республикасынын Жогорку Кеңешинин Конституциялык мыйзамдар, мамлекеттик түзүлүш, мыйзамдуулук жана адам укугу боюнча комитетине (З.К.Курманов) жүктөлсүн.