КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2015-жылдын 23-апрели № 4998-V

2014-жыл үчүн Кыргыз Республикасынын Өкмөтүнүн иши жөнүндө Кыргыз Республикасынын Премьер-министринин отчёту тууралуу

Кыргыз Республикасынын Конституциясынын 74-беренесинин 6-бөлүгүнүн 3-пунктуна ылайык 2014-жыл үчүн Кыргыз Республикасынын Өкмөтүнүн иши жөнүндө Кыргыз Республикасынын Премьер-министри Ж.К.Оторбаевдин отчётун угуп жана талкуулап, Кыргыз Республикасынын Жогорку Кеңеши

ТОКТОМ КЫЛАТ:

1. 2014-жыл үчүн Кыргыз Республикасынын Өкмөтүнүн иши жөнүндө Кыргыз Республикасынын Премьер-министринин отчёту жалпысынан канааттандырарлык деп таанылсын.

2. Кыргыз Республикасынын Премьер-министри Жогорку Кеңештин комитеттеринин чечимдеринде жана Жогорку Кеңештин депутаты Н.А.Нарматованын жазуу жүзүндөгү сунуштарында көрсөтүлгөн маселелерди чечүүгө өзгөчө көңүл бурсун жана конкреттүү иш-чараларды кабыл алсын (тиркелет).

3. Кыргыз Республикасынын Өкмөтү ушул токтомдун аткарылышы боюнча жүргүзүлгөн иштердин натыйжалары жөнүндө Жогорку Кеңешке 2015-жылдын 1-декабрына карата маалымат берсин.

4. Ушул токтомдун аткарылышын контролдоо "Кыргыз Республикасынын Жогорку Кеңешинин комитеттеринин карамагындагы маселелерди бекитүү жөнүндө" Жогорку Кеңештин 2011-жылдын 3-февралындагы № 146-V токтому менен бекитилген карамагындагы маселелерге ылайык Жогорку Кенештин тийиштүү комитеттерине жүктөлсүн.

5. Ушул токтом кабыл алынган күндөн тартып күчүнө кирет.