КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2017-жылдын 2-февралы № 1319-VI

Кыргыз Республикасынын Жогорку Кеңешинин айрым токтомдоруна өзгөртүүлөрдү киргизүү жөнүндө

Кыргыз Республикасынын Жогорку Кеңеши

ТОКТОМ КЫЛАТ:

1. "Кыргыз Республикасынын Жогорку Кеңешинин Регламенти жөнүндө" Кыргыз Республикасынын Мыйзамынын 26-беренесине ылайык жабык-жашыруун добуш берүүнүн жыйынтыктары боюнча төмөндөгүлөр шайлансын:

депутат Асылбек уулу Дамирбек - Кыргыз Республикасынын Жогорку Кеңешинин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитетинин төрагасынын орун басарлыгына;

депутат Туманбаева Рада Мураталыевна - Кыргыз Республикасынын Жогорку Кеңешинин Агрардык саясат, суу ресурстары, экология жана регионалдык өнүктүрүү боюнча комитетинин төрагасынын орун басарлыгына;

депутат Жунус уулу Алтынбек - Кыргыз Республикасынын Жогорку Кеңешинин Транспорт, коммуникациялар, архитектура жана курулуш боюнча комитетинин төрагасынын орун басарлыгына.

2. Кыргыз Республикасынын Жогорку Кеңешинин 2015-жылдын 12-ноябрындагы "Кыргыз Республикасынын Жогорку Кеңешинин комитеттеринин төрагаларынын орун басарларын шайлоо жөнүндө" № 26-VI токтомуна төмөндөгүдөй өзгөртүүлөр киргизилсин:

1-пунктта:

- 1-пунктчанын экинчи абзацындагы "Ч.А.Султанбекова" деген сөздөр "Асылбек уулу Дамирбек" деген сөздөргө алмаштырылсын;

- 3-пунктчанын экинчи абзацындагы "Д.А.Жумабеков - "Кыргызстан" парламенттик фракциясынан" деген сөздөр "P.M.Туманбаева - "Республика - Ата-Журт" парламенттик фракциясынан" деген сөздөргө алмаштырылсын;

- 6-пунктчанын экинчи абзацындагы "Д.Э.Төлөнов - "Кыргызстан" парламенттик фракциясынан" деген сөздөр "А.Жунус уулу - "Өнүгүү-Прогресс" парламенттик фракциясынан" деген сөздөргө алмаштырылсын.

3. Кыргыз Республикасынын Жогорку Кеңешинин 2015-жылдын 6-ноябрындагы "Кыргыз Республикасынын Жогорку Кеңешинин комитеттеринин курамдарын бекитүү жөнүндө" № 17-VI токтомуна төмөнкүдөй өзгөртүүлөр киргизилсин:

1) төмөндөгү чыгарылсын:

"Кыргызстан" парламенттик фракциясынан Кыргыз Республикасынын Жогорку Кеңешинин депутаты Асылбек уулу Дамирбек - Кыргыз Республикасынын Жогорку Кеңешинин  Отун-энергетикалык комплекс жана жер казынасын пайдалануу боюнча комитетинин курамынан;

2) төмөндөгү киргизилсин:

"Кыргызстан" парламенттик фракциясынан Кыргыз Республикасынын Жогорку Кеңешинин депутаты Асылбек уулу Дамирбек - Кыргыз Республикасынын Жогорку Кеңешинин Конституциялык мыйзамдар, мамлекеттик түзүлүш, сот-укук маселелери жана Жогорку Кеңештин Регламенти боюнча комитетинин курамына.

4. Ушул токтом кабыл алынган күндөн тартып күчүнө кирет.