КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

 2017-жылдын 19-октябры № 1921-VI

"2017-жылдын 14-июнунда Бишкек шаарында кол коюлган Төлөмдөрдүн планына ылайык төлөнбөй калган чегерилген төгүмдөр боюнча карыздарды жөнгө салууну өнөр жайлык өнүктүрүү боюнча Кыргыз Республикасынын Өкмөтүнүн жана Бириккен Улуттар Уюмунун ортосундагы макулдашууну ратификациялоо жөнүндө" Кыргыз Республикасынын Мыйзамынын долбоорун биринчи окууда кабыл алуу тууралуу

Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Өкмөтү демилгелеген (2017-жылдын 13-сентябрындагы № 566 токтому) "2017-жылдын 14-июнунда Бишкек шаарында кол коюлган Төлөмдөрдүн планына ылайык төлөнбөй калган чегерилген төгүмдөр боюнча карыздарды жөнгө салууну өнөр жайлык өнүктүрүү боюнча Кыргыз Республикасынын Өкмөтүнүн жана Бириккен Улуттар Уюмунун ортосундагы макулдашууну ратификациялоо жөнүндө" Кыргыз Республикасынын Мыйзамынын долбоору биринчи окууда кабыл алынсын.

2. Мыйзам чыгаруу демилгесинин субъектилери Кыргыз Республикасынын Жогорку Кеңешинин Эл аралык иштер, коргоо жана коопсуздук боюнча комитетине жана бир эле мезгилде Кыргыз Республикасынын Жогорку Кеңешинин Аппаратынын эксперттик кызматына жогоруда көрсөтүлгөн мыйзам долбооруна карата өздөрүнүн жазуу жүзүндөгү сунуштарын жана түзөтүүлөрүн алардын негиздемеси менен 5 жумушчу күндүн ичинде жөнөтсүн.

3. Кыргыз Республикасынын Жогорку Кеңешинин Эл аралык иштер, коргоо жана коопсуздук боюнча комитети келип түшкөн жазуу жүзүндөгү сунуштарды жана түзөтүүлөрдү эске алуу менен жогоруда көрсөтүлгөн мыйзам долбоорун толуктап иштеп чыксын жана экинчи окууда кароо үчүн Кыргыз Республикасынын Жогорку Кеңешине киргизсин.