КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 18-майы №298

Цирк артисттеринин конок үйү жөнүндө

Кыргыз мамлекеттик циркинин натыйжалуу иштөөсү үчүн оптималдуу шарттарды түзүү, кызматкерлерин кызматтык турак жай менен камсыз кылуу, Кыргыз мамлекеттик цирки тарабынан чакырылган гастролго келүүчү цирк артисттерин жайгаштыруу максатында Кыргыз Республикасынын Өкмөтү

ТОКТОМ КЫЛАТ:

1. Бишкек шаары, Жумабек көчөсү, 119 дарегинде жайгашкан мамлекеттик имаратка "Цирк артисттеринин конок үйү" статусу берилсин.

2. Кыргыз Республикасынын Маданият жана маалымат министрлиги, Кыргыз Республикасынын Мамлекеттик мүлктү башкаруу боюнча мамлекеттик комитети менен бирдикте ушул токтомдун 1-пунктунан келип чыккан зарыл чараларды көрүшсүн.

3. Бул токтомдун аткарылышын контролдоо Кыргыз Республикасынын Өкмөтүнүн Аппаратынын билим берүү, маданият жана спорт бөлүмүнө жүктөлсүн.