КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2017-жылдын 3-майы № 1553-VI

Кыргыз Республикасынын Жогорку Кеңешинин жыйналыштарын түз ободо теле көрсөтүү жөнүндө

(КР Жогорку Кеңешинин 2018-жылдын 26-декабрындагы № 2797-VI токтомунун редакциясына ылайык)

Кыргыз Республикасынын Жогорку Кеңешинин жыйналыштарын түз теле көрсөтүү жолу менен Кыргыз Республикасынын калкы үчүн Кыргыз Республикасынын Жогорку Кеңешинин ишинин жеткиликтүүлүгүн жана ачыктыгын кеңейтүү максатында Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Жогорку Кеңешинин Аппараты жана Кыргыз Республикасынын Жогорку Кеңешинин Иш башкармалыгы:

- Кыргыз Республикасынын Жогорку Кеңешинин чыгымдарынын жалпы суммасында Кыргыз Республикасынын Жогорку Кеңешинин жыйналыштарын жыл сайын түз ободо теле көрсөтүүлөрдү каржылоо үчүн 4 млн. сом суммасында жана Кыргыз Республикасынын Жогорку Кеңешинин жыйналыштар залын жабдуу үчүн жаңы муундагы жабдууларды сатып алууга 2017-жылы 12,0 млн. сом суммасындагы каражаттарды карасын;

- кызмат көрсөтүүлөр үчүн 10,0 млн. сом суммасында акы төлөөнү эске алуу менен Кыргыз Республикасынын Жогорку Кеңешинин ишин түз ободо чагылдыруу үчүн обо убактысын берүү тууралуу "Медиа Холдинг "Пирамида" ЖЧКсы менен келишим түзсүн.

(КР Жогорку Кеңешинин 2018-жылдын 26-декабрындагы № 2797-VI токтомунун редакциясына ылайык)

2. "Кыргыз Республикасынын Жогорку Кеңешинин жыйналыштарын түз ободо теле көрсөтүү жөнүндө" Кыргыз Республикасынын Жогорку Кеңешинин 2016-жылдын 23-июнундагы № 776-VI токтому күчүн жоготту деп эсептелсин.

3. Ушул токтомдун аткарылышына контролдук кылуу Кыргыз Республикасынын Жогорку Кеңешинин Аппаратынын Жетекчисине жүктөлсүн.