КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2019-жылдын 19-июну № 3129-VI

Кыргыз Республикасынын Эсептөө палатасынын 2018-жылдагы иши жөнүндө Кыргыз Республикасынын Жогорку Кеңешинин Эсептөө палатасынын төрагасынын отчету тууралуу

Кыргыз Республикасынын Конституциясынын 74-беренесине ылайык Кыргыз Республикасынын Эсептөө палатасынын төрагасы У.А.Мариповдун отчетун угуп, Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Эсептөө палатасынын 2018-жылдагы иши жөнүндө Кыргыз Республикасынын Жогорку Кеңешинин Эсептөө палатасынын төрагасынын отчету канааттандыраарлык деп таанылсын.

2. Кыргыз Республикасынын Эсептөө палатасы:

- табылган финансылык бузуулар боюнча Эсептөө палатасынын жазма буйруктарынын министрликтер жана ведомстволор тарабынан аткарылышынын абалы жөнүндөгү маалыматты Кыргыз Республикасынын Өкмөтүнө квартал сайын жөнөтүп турсун;

- аудиттердин сапатын жогорулатуунун үстүндө иштөөнү улантсын, ошондой эле табылган финансылык бузуулардын суммаларын мамлекеттик бюджетке толтуруу боюнча таасирдүү чараларды көрсүн;

- мамлекеттик аудит жүргүзүүдө бузуулардын классификаторун мамлекеттик органдар тарабынан пайдалануу практикасын киргизүү боюнча чараларды күчөтсүн;

- Эсептөө палатасы тарабынан текшерүүлөрдү жана табылган бузууларды оңдоо үчүн негизги чечимдерди жүргүзүүнүн типтүү усулу боюнча маалыматтык материалдарды иштеп чыксын жана текшерилүүчү мекемелерге берсин.

3. Кыргыз Республикасынын Өкмөтү:

- бюджеттик каражаттардын чыгымдалышын, анын ичинде мамлекеттик органдар тарабынан мамлекеттик менчиктин башкарылышын жана мамлекеттик катышуунун чоң үлүшү бар мамлекеттик ишканалардын чарбакер субъектилердин ишин контролдоону күчөтсүн;

- мамлекеттик органдарда аудит тарабынан жыл сайын табылган мүнөздүү бузууларга жол бергендиги үчүн жетекчилердин жоопкерчилигин күчөтсүн жана аларды четтетүү боюнча тиешелүү чараларды көрсүн;

- өткөрүлгөн аудиттердин жыйынтыктары боюнча Эсептөө палатасынын жазма буйруктарынын аткарылышына туруктуу контролду камсыз кылсын.

4. Ушул токтомдун аткарылышын контролдоо Кыргыз Республикасынын Жогорку Кеңешинин Бюджет жана финансы боюнча комитетине жүктөлсүн.