КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2020-жылдын 5-февралы № 3519-VI

"Кыргыз Республикасынын Өкмөтүнүн курамы жөнүндө" Кыргыз Республикасынын Жогорку Кеңешинин 2018-жылдын 20-апрелиндеги № 2379-VI токтомуна өзгөртүү киргизүү тууралуу

Кыргыз Республикасынын Конституциясынын 87-беренесинин 5-бөлүгүнүн экинчи абзацын, "Кыргыз Республикасынын Өкмөтү жөнүндө" Кыргыз Республикасынын конституциялык Мыйзамынын 3-беренесинин 3-бөлүгүн, "Кыргыз Республикасынын Жогорку Кеңешинин Регламенти жөнүндө" Кыргыз Республикасынын Мыйзамынын 3-беренесинин 1-бөлүгүнүн 14-пунктун жана 124-беренесинин 1-бөлүгүнүн биринчи абзацын жетекчиликке алып, Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын вице-премьер-министринин кызмат ордуна Асрандиев Эркин Шамшудиновичтин талапкерлиги жактырылсын.

2. "Кыргыз Республикасынын Өкмөтүнүн курамы жөнүндө" Кыргыз Республикасынын Жогорку Кеңешинин 2018-жылдын 20-апрелиндеги № 2379-VI токтомуна төмөнкүдөй өзгөртүү киргизилсин:

1-пункттун бешинчи абзацында "Аскаров Замирбек Марипбаевич" деген сөздөр "Асрандиев Эркин Шамшудинович" деген сөздөргө алмаштырылсын.

3. Кыргыз Республикасынын вице-премьер-министринин кызмат ордуна дайындалгандан кийин Э.Ш.Асрандиев:

- үч айлык мөөнөттө Казакстан Республикасынын чек арасындагы экономикалык тоскоолдуктар маселесин чечсин;

- КЭР товарлардын кыймылын толук эсепке алууну жана контролдоону жүргүзсүн;

- Бишкек жана Ош шаарларында салыктык жол-жоболорду фискалдаштырууну киргизүүнү 2020-жылдын 1-апрелине чейин бүткөрсүн;

- бир айдын ичинде Кыргыз-Россия өнүктүрүү фондунун капиталын россиялык компаниялардын баалуу кагаздарында жайгаштырылган 200 млн. АКШ долларынан ашык суммага жана 2020-жылдын май айына чейинки мөөнөттө Кыргыз Республикасынын Евразия экономикалык бирлигине кирүү келишиминин алкагында 500 млн. АКШ долларына толтуруу маселесин чечсин.

4. Ушул токтом кабыл алынган күндөн тартып күчүнө кирет.