КР Жогорку Кеңешинин 2022-жылдын 13-январындагы № 18-VII токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2020-жылдын 18-июну № 3938-VI

"Кыргыз Республикасынын Жогорку Кеңешинин комитеттеринин курамын бекитүү жөнүндө" Кыргыз Республикасынын Жогорку Кеңешинин 2015-жылдын 6-ноябрындагы № 17-VI токтомуна өзгөртүүлөрдү киргизүү тууралуу

Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Жогорку Кеңешинин "Кыргызстан" парламенттик фракциясынын депутаттары төмөнкү комитеттердин курамына киргизилсин:

- Нурдинов Бейшеналы Транспорт, коммуникациялар, архитектура жана курулуш боюнча комитеттин курамына;

- Эсенаманов Замирбек Садыбакасович Отун-энергетикалык комплекс жана жер казынасын пайдалануу боюнча комитеттин курамына.

2. "Кыргыз Республикасынын Жогорку Кеңешинин комитеттеринин курамын бекитүү жөнүндө" Кыргыз Республикасынын Жогорку Кеңешинин 2015-жылдын 6-ноябрындагы № 17-VI токтомуна төмөнкүдөй өзгөртүүлөр киргизилсин:

- 1-пунктчанын он тогузунчу абзацы күчүн жоготту деп таанылсын;

- 2-пунктчанын үчүнчү абзацы күчүн жоготту деп таанылсын;

5-пунктча төмөнкүдөй мазмундагы абзац менен толукталсын:

"Эсенаманов Замирбек Садыбакасович - "Кыргызстан" парламенттик фракциясынан";

6-пунктча төмөнкүдөй мазмундагы абзац менен толукталсын:

"Нурдинов Бейшеналы - "Кыргызстан" парламенттик фракциясынан".

3. Ушул токтом кабыл алынган күндөн тартып күчүнө кирет.