КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2020-жылдын 11-июну № 3865-VI

"Кыргыз Республикасынын Коомдук телерадио берүү корпорациясынын 2019-жылдагы иши жөнүндө" Кыргыз Республикасынын Коомдук телерадио берүү корпорациясынын Байкоочу кеңешинин отчету тууралуу

"Кыргыз Республикасынын коомдук телерадио берүү корпорациясы жөнүндө" Кыргыз Республикасынын Мыйзамынын 18-беренесине ылайык "Кыргыз Республикасынын Коомдук телерадио берүү корпорациясынын 2019-жылдагы иши жөнүндө" Кыргыз Республикасынын Коомдук телерадио берүү корпорациясынын Байкоочу кеңешинин отчетун карап, Кыргыз Республикасынын Жогорку Кеңеши

ТОКТОМ КЫЛАТ:

1. "Кыргыз Республикасынын Коомдук телерадио берүү корпорациясынын 2019-жылдагы иши жөнүндө" Кыргыз Республикасынын Коомдук телерадио берүү корпорациясынын Байкоочу кеңешинин отчету эске алынсын.

2. Кыргыз Республикасынын Өкмөтү:

- Кыргыз Республикасынын Коомдук телерадио берүү корпорациясынын "Алтын фондун сактоо үчүн республикалык бюджеттен каражаттарды бөлүү мүмкүнчүлүгүн карасын.

3. Кыргыз Республикасынын эсептөө палатасы жыл сайын I кварталда Кыргыз Республикасынын Коомдук телерадио берүү корпорациясынын финансылык-чарбалык ишин текшерүүнү Кыргыз Республикасынын Эсептөө палатасынын аудитордук иш планына киргизсин.

4. Кыргыз Республикасынын Коомдук телерадио берүү корпорациясынын Байкоочу кеңеши:

- мезгилдин талаптарына жана чакырыктарына ылайык, корпорациянын редакциялык саясатын өркүндөтүү, социалдык-экономикалык маселелерди, ар түрдүү көз караштарды чагылдыруу боюнча актуалдуу, курч сюжеттүү телерадио программаларды уюштуруу боюнча чараларды көрсүн;

- өлкөдөгү коомдук жана саясий окуяларды объективдүүлүк, аныктуулук жана адилеттүүлүк принциптерине ылайык чагылдырууну камсыз кылсын;

- эл аралык стандарттарга жооп берген ата мекендик контентти жакшыртуу боюнча, балдарга билим жана тарбия берүүчү көрсөтүүлөрдү өндүрүү боюнча чараларды көрсүн;

- Кыргыз Республикасынын мыйзамдарына ылайык эфирдик убакытты белгиленген тарифтерди төлөгөндөн кийин берсин;

- Кыргыз Республикасынын Коомдук телерадио берүү корпорациясынын иши жөнүндө ар жылдык отчетту "Кыргыз Республикасынын Коомдук телерадио берүү корпорациясы жөнүндө" Кыргыз Республикасынын Мыйзамынын талаптарына ылайык жүзөгө ашырсын;

- Кыргыз Республикасынын Коомдук телерадио берүү корпорациясынын финансылык жана чарбалык ишинин ар жылдык милдеттүү тышкы аудитинин жүргүзүлүшүн контролго алсын;

- кабыл алынган чечимдерди контролдоону камсыз кылсын.

5. Ушул токтомдун аткарылышын контролдоо Кыргыз Республикасынын Жогорку Кеңешинин Социалдык маселелер, билим берүү, илим, маданият жана саламаттык сактоо боюнча комитетине жүктөлсүн.