КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2021-жылдын 22-декабры № 5032-VI

2022-жылга Көз карандысыз Мамлекеттердин Шериктештигине катышкан-мамлекеттердин Парламенттер аралык Ассамблеясынын Чынгыз Айтматов атындагы сыйлыгынын акчалай өлчөмүн бекитүү жөнүндө

“2022-жылга Көз карандысыз Мамлекеттердин Шериктештигине катышкан-мамлекеттердин Парламенттер аралык Ассамблеясынын Чынгыз Айтматов атындагы сыйлыгын уюштуруу жөнүндө” 2012-жылдын 29-июнундагы Кыргыз Республикасынын Жогорку Кеңешинин № 2253-токтомунун 3-пунктуна ылайык Кыргыз Республикасынын Жогорку Кеңеши токтом кылат:

1. 2022-жылга Көз карандысыз Мамлекеттердин Шериктештигине катышкан-мамлекеттердин Парламенттер аралык Ассамблеясынын Чынгыз Айтматов атындагы акчалай сыйлыгы 1 000 000 (бир миллион) сом өлчөмүндө бекитилсин.

2. Кыргыз Республикасынын Президентинин Иш башкармалыгына көрсөтүлгөн каражаттарды бөлүп берүүнү жана КМШ катышкан-мамлекеттердин Парламенттер аралык ассамблеясынын Чынгыз Айтматов атындагы сыйлыгынын 2022-жылдагы лауреатына аларды которуп берүүнү камсыз кылуу тапшырылсын.

3. Ушул токтомдун аткарылышын контролдоо Кыргыз Республикасынын Жогорку Кеңешинин Эл аралык иштер, коргоо жана коопсуздук боюнча комитетине жүктөлсүн.