КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2018-жылдын 1-октябры ПЖ № 190

А.М.Джоробекова жөнүндө

Кыргыз Республикасынын Конституциясынын 95-беренесинин 4-бөлүгүнө жана "Кыргыз Республикасынын судьяларынын статусу жөнүндө" Кыргыз Республикасынын конституциялык Мыйзамынын 25-беренесинин 1, 2-бөлүктөрүнө ылайык

ТОКТОМ КЫЛАМ:

1. Кыргыз Республикасынын Судьялар кеңешине караштуу Тартип комиссиясы жазык жоопкерчилигине тартууга Кыргыз Республикасынын Башкы прокуроруна макулдук бергендигине байланыштуу Нарын облусунун Нарын шаардык сотунун судьясынын ыйгарым укуктарын жүргүзүп жаткан Джоробекова Айнагуль Мамаюнусовна Кыргыз Республикасынын жергиликтүү сотунун судьясынын кызмат ордунан четтетилсин.

2. Бул Жарлык кол коюлган күндөн тартып күчүнө кирет.