КР Өкмөтүнүн 2019-жылдын 9-январындагы № 7 токтомуна ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 27-августу № 541

"Миң-Куш" акционердик коомунун социалдык чөйрөдөгү объекттерин өткөрүп берүү жөнүндө" Кыргыз Республикасынын Өкмөтүнүн 1996-жылдын 13-июнундагы № 265 токтомуна өзгөртүүлөрдү киргизүү тууралуу

Кыргыз Республикасынын Нарын облусунун Жумгал районунун Миң-Куш шаарчасындагы калктын социалдык-экономикалык маселелерин чечүү максатында Кыргыз Республикасынын Өкмөтү

ТОКТОМ КЫЛАТ:

1. "Миң-Куш" акционердик коомунун социалдык чөйрөдөгү объекттерин өткөрүп берүү жөнүндө" Кыргыз Республикасынын Өкмөтүнүн 1996-жылдын 13-июнундагы № 265 токтомуна төмөнкүдөй өзгөртүүлөр киргизилсин:

- 3-пункт төмөнкүдөй редакцияда баяндалсын:

"3. Кыргыз Республикасынын Финансы министрлиги 2009-жыл үчүн "Кыргызтуракжайкоммунсоюз" мамлекеттик ишканасына жана Нарын облусунун Жумгал районунун мамлекеттик администрациясына каралган жалпы бөлүнгөн акчанын чегинде каражаттарды 2-тиркемеге ылайык турак жай-коммуналдык чарбаларын жана социалдык чөйрөнүн объекттерин күтүүгө бөлсүн.";

- аталган токтомдун 2-тиркемесине:

"каражат" деген сөздөн кийин "республикалык" деген сөз менен толукталсын;

"Күтүүгө чыгымдар, миң сом" деген графадагы "571,5", "1073,0", "1644,5" деген цифралар тиешелүү түрдө "1166,5", "4279,2", "5445,7" деген цифраларга алмаштырылсын.

2. Бул токтом расмий жарыяланган күндөн тартып күчүнө кирет.

3. Бул токтомдун аткарылышын контролдоо Кыргыз Республикасынын Өкмөтүнүн Аппаратынын энергетика жана минералдык ресурстар бөлүмүнө жүктөлсүн.