КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2009-жылдын 18-декабры № 767

Кыргыз Республикасынын Өкмөтүнө караштуу Мамлекеттик бажы кызматы жөнүндө

(КР Өкмөтүнүн 2010-жылдын 30-декабрындагы № 343, 2012-жылдын 10-январындагы № 2, 2013-жылдын 19-августундагы № 465, 2015-жылдын 13-майы № 288, 2017-жылдын 13-сентябрындагы № 564, 2018-жылдын 22-мартындагы № 148 , 2018-жылдын 15-августундагы № 375, 2021- жылдын 1-апрелиндеги № 128, 2022-жылдын 16-декабрындагы № 686 токтомдорунун редакцияларына ылайык)

«Кыргыз Республикасынын Өкмөтүнүн түзүмүн бекитүү жөнүндө» Кыргыз Республикасынын Мыйзамына ылайык Кыргыз Республикасынын Өкмөтү

ТОКТОМ КЫЛАТ:

1. (КР Өкмөтүнүн 2021-жылдын 1-апрелиндеги № 128 токтомуна ылайык күчүн жоготту)

2. (КР Министрлер Кабинетинин 2022-жылдын 16-декабрындагы № 686 токтомуна ылайык күчүн жоготту)

3. «Кыргыз Республикасынын Мамлекеттик бажы комитетинин Бажы кызматын өнүктүрүү фонду жөнүндө жобону бекитүү тууралуу» Кыргыз Республикасынын Өкмөтүнүн 2005-жылдын 14-июнундагы № 226 токтомуна төмөнкүдөй өзгөртүүлөр киргизилсин:

- токтомдун аталышында жана бүткүл тексти боюнча «Кыргыз Республикасынын Мамлекеттик бажы комитети» деген сөздөр «Кыргыз Республикасынын Өкмөтүнө караштуу Мамлекеттик бажы кызматы» деген сөздөр менен тийиштүү жөндөмөлөрдө алмаштырылсын;

- жогоруда көрсөтүлгөн токтом менен бекитилген Кыргыз Республикасынын Мамлекеттик бажы комитетинин Бажы кызматын өнүктүрүү фонду жөнүндө жободо:

- аталышында жана бүткүл текст боюнча «Кыргыз Республикасынын Мамлекеттик бажы комитети» жана «Мамлекеттик бажы комитети» деген сөздөр «Кыргыз Республикасынын Өкмөтүнө караштуу Мамлекеттик бажы кызматы» жана «Мамлекеттик бажы кызматы» деген сөздөр менен тийиштүү жөндөмөлөрдө алмаштырылсын.

4. (КР Министрлер Кабинетинин 2022-жылдын 16-декабрындагы № 686 токтомуна ылайык күчүн жоготту)

5. Кыргыз Республикасынын Өкмөтүнө караштуу Мамлекеттик бажы кызматынын кызматчыларына азык-түлүк паектун ордуна акчалай компенсациянын нормасы суткасына 256 сом өлчөмүндө белгиленсин.

6. Кыргыз Республикасынын Өкмөтүнө караштуу Мамлекеттик бажы кызматынын азык-түлүк паегунун ордуна компенсация төлөөнү Кыргыз Республикасынын Өкмөтүнө караштуу Мамлекеттик бажы кызматынын Бажы кызматын өнүктүрүү фондунун каражаттарынан жүргүзсүн.

7. Төмөнкүлөр күчүн жоготту деп табылсын:

- «Кыргыз Республикасынын Мамлекеттик бажы комитетинин маселелери жөнүндө» Кыргыз Республикасынын Өкмөтүнүн 2007-жылдын 28-марттагы № 88 токтому;

- «Кыргыз Республикасынын Өкмөтүнүн айрым чечимдерине толуктоолорду жана өзгөртүүлөрдү киргизүү жөнүндө» Кыргыз Республикасынын Өкмөтүнүн 2009-жылдын 5-июндун № 361 токтомунун 2-пункту.

8. Бул токтом расмий жарыяланган күндөн баштап күчүнө кирет.  

2-тиркеме

Кыргыз Республикасынын Өкмөтүнө караштуу Мамлекеттик бажы кызматынын башкаруу СХЕМАСЫ

(КР Өкмөтүнүн 2018-жылдын 15-августундагы № 375 токтомунун редакциясына ылайык)